Myaso 92:15 - Livulu lya Shukulu Kalunga

¹⁵ Eci cimwesa ngeci Shukulu Kalunga wapwa wa vushunga, kumwesi vuvi muli muka-kunjinyunga.

Myaso 92:15 Iomraidhean Croise

Yombi 34:10

“Ngecivene, njitolilileni, yeni vanalume vaka-kuzivisisa! Njambi kesi kulinga vuvi nambe kamandondo, co Muka-nzili yoshe kesi kulinga vuvi embwe.

Myaso 1:3

Munu wa cifwa eci napu ngwe muti wakukuna ku vana va vindonga vya mema, muti uje wima vushuka vwawo a simbu yawo, na maputa awo lalo kuwesi kujujwama. Munu wa cifwa eci avezika mu vyoshe vyakalingi.

Myaso 145:17

Shukulu Kalunga wapwa wa vushunga mu vyuma vyendi vyoshe vyakalingi, wakala na mema ku mbunge mu vilinga vyendi vyoshe.

Myaso 18:2

Shukulu Kalunga ikeye muka-kunjinyunga, ikeye wapwa cimpaka cange cakukola. Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa.

Myaso 62:6

Ikeye lika muka-kunjinyunga nakunjamena, ikeye cimpaka cange, naumo wai akanjifungulula.

Visimo 10:27

Nga wononoka Shukulu Kalunga, co ukayoya simbu yakama, oloni vaka-vuvi vakatsi omo simbu yavo kanda yete.

Zefaniya 3:5

Oloni Shukulu Kalunga anga acili mu nganda, co akalingi vije vya vushunga, co kesi kulinga vije vyavivi embwe. A mutondo na mutondo kesi kwonwa mukunena vushunga kuli vanu vendi. Oloni vaka- vushunga anga vacili nakulinga vuvi kuvesi na shwamwa.

Loma 9:14

Vikajo twendeka? Kuma Njambi kesi muka-vushunga ndi? Embwe, kesi ngoco.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

Kwituluka mu Mashiko 34:7

Mosesa wakele na myaka 120 omo watsile, oloni anga wakele na nzili mu muvila wendi, na mesho endi lalo kuwatsitsivalele.

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,