Myaso 92:14 - Livulu lya Shukulu Kalunga

¹⁴ nakwima vushuka a simbu yayo, co simbu yoshe izivuluka nakukala na nzili.

Myaso 92:14 Iomraidhean Croise

Yombi 17:9

Vaje valitumbula kupwa vaka-vulemu, vanavetesa kupwa vaka-vushunga.

Myaso 1:3

Munu wa cifwa eci napu ngwe muti wakukuna ku vana va vindonga vya mema, muti uje wima vushuka vwawo a simbu yawo, na maputa awo lalo kuwesi kujujwama. Munu wa cifwa eci avezika mu vyoshe vyakalingi.

Myaso 71:18

Ngecivene, nameme njinakuluvala manene na vwele vuli ku mutwe wange, yove Njambi kesi unjiseze, noo njikambulula vilinga vyove ku visemwa vyoshe vije vikaija kulutwe.

Visimo 4:18

Ngila ivakende vaka-vushunga inapu ngwe kutuuka kwa litangwa lije litwa ceke noo lyalondo njamba.

Isaya 46:4

Yange nji Njambi yeni, co njikamilela, noo munakolo, na vwele ku mitwe yeni. Yange njamitangele, co njikamilela, njikamikwasa nakumyamena.

Njelemiya 17:8

Munu wa cifwa eci nafu ngwe muti ulinakukula ku ngenge ya kana ka ndonga, co mizi yawo ishalavela ku mema. Kuwesi kuziva ntwima a simbu ya nyangao omwo maputa awo apwa akutonola nakuzivuluka simbu yoshe, kuwesi kujujwama a simbu ya lilanga ukemi vushuka simbu yoshe.

Ezekiyele 47:12

Ku ngenge na ngenge ya ndonga, ku mutambela na mutambela wa ndonga kukamena miti ya miyati-yati ije ikaima vushuka. Maputa ayo kuwakajujwama, co lalo kuyikalikele kwima vushuka. Ikaima vushuka vwavuha a ngonde na ngonde, omwo ilinakutambula mema ku ndonga ije itunda ku Njuvo ya Shukulu Kalunga. Miti yakwo ikaima vushuka vuje vukapwa vyakulya, co maputa ayo vakawapangesa mukukangwisa vanu.”

Mateo 3:10

Njaviti vanayaka laja ku mizi ya miti, muti woshe kuwimi vushuka vwavuvwa vakaushinja nakuumbila mu tuhya.

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

Yunda 1:12

Ava vanu vakevo vanafu ngwe vitanukiso mu viwano vyeni vya cizemo omo valya neni kujeneka shwamwa. Vashakezeka lika vyavo vavenya. Vanafu ngwe mashelwa akupekumuka lika na lihunzi oloni kuwesi kunena nyonzi. Vanafu ngwe miti kuyesi kwima vushuka, nambe mu simbu ya nyangao, miti ije ivanatukula na mizi yayo inapu ya kutsa vene.