Myaso 91:15 - Livulu lya Shukulu Kalunga

¹⁵ Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Myaso 91:15 Iomraidhean Croise

Yombi 12:4

Nameme vasamba vange valinakunjijola ololo, valinakujola, nameme nji muka-vushunga na muka-kujeneka mulonga, oloni kwakele simbu imo omo Njambi wakumbulwile malombelo ange.

Yombi 5:19

Co ku simbu na simbu akakwamena ku vushonde,

Myaso 10:17

Yove Shukulu Kalunga, ukatolilila ku malombelo a vaka-kulikeesa, co ukavatakamesa.

Myaso 138:7

Omo tuyando tunjizengeleka, yove unjinyunga mwamuvwa, co lalo uyeluwisa vukalu vwa vitozi vange, nakunjamena na nzili yove.

Myaso 18:15

Kwisi ya mema a kalunga kwasholokele, co luvula lwa kaye lwafukukile omo wakandele vitozi vove, yove Shukulu Kalunga, waluvalele nakwaana ngwe ndumba.

Myaso 23:4

Nameme nga njenda mukati ka vutsiki mu lisusulungu, kunjikazivi lyova, Shukulu Kalunga, omwo yove uli amo nange! Mulamu wove na mbweti yove vinjizembeleka.

Myaso 37:40

Shukulu Kalunga avakwasa nakuvamena, ikeye avamena ku vaka-vuvi, omwo vatewela kuli ikeye ngeci avanyunge.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 58:9

Omo mulombela kuli yange, co njikamikumbulula ngwange, ‘Yange uno.’ “Kesi muyandese vanu, nambe kuvashaula mu cifwa coshe-icoshe, nambe kwendeka lijwi lyoshe lyalivi,

Isaya 65:24

Njikakumbulula malombelo avo simbu kanda vacimanese kulombela.

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 12:43

Omwo vazemene kuvashangazala ku vanu, kutuvakana kushangazala kwakutunda kuli Njambi.

Yowano 16:32

Simbu ilinakwija, co inete laja, omo yeni voshe mukashandoka, munu na munu akaya kwimbo lyendi, co njikasala ange lika. Oloni kunjikasala ange lika embwe, omwo Tate ali amo nange.

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

2 Timateo 4:17

Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Petulu 3:22

uje nai mwilu, co ali ku livoko lya cilyo lya Njambi, alinakushwana akamwa ya tungelo voshe na vaka-moko na vaka-nzili mwilu.

1 Petulu 5:4

Co omo Kanyungi Wakama akasholoka, mukatambula cilongo ca vumpau cije kucikatsitsivala.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.