Myaso 90:16 - Livulu lya Shukulu Kalunga

¹⁶ Vilinga vyove visholoke kuli vangamba vove, na vumpau vwove vusholoke ku vatekulwila vetu.

Myaso 90:16 Iomraidhean Croise

Myaso 44:1

Yove Njambi, tunazivi laja na matwi etu, vakukulwila vetu vatulekele laja, vyuma vyakama vije viwalingile a simbu yavo, ku matangwa a ku san̄ulu.

Myaso 77:12

Njikanuka vipangi viwunalingi, nakuyongola vilinga vyove vyoshe vya nzili.

Myaso 92:4

Unanjivwaelelesa omwo vilinga vyove yove Shukulu Kalunga, co njiimba nakujolela a vyuma vije unapanga na mavoko ove.

Hambakuke 3:2

Yove Shukulu Kalunga, njazivi lutsimo lwavije walingile, co njinazivi lyova. Linga lalo vyuma vije vyakama viwalingile. Kala na mema ku mbunge nameme uluvala.

Kwituluka mu Mashiko 1:39

“Co Shukulu Kalunga wendekele kuli yetu voshe ngwendi, ‘Vana veni vavandondo vaje mwendekele ngweni vakavafungulula ku vitozi veni vaje kanda vacikale na mana akwangula vyavivwa nevi vyavivi, vakevo vakakovela mu lifuti lije. Co njikavana lifuti lije ngeci vakatungemo.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

Yoshwa 23:14

“Ololo simbu yange ya kutsa inete. Munu na munu azivuke mu mbunge yendi na mu mwonyo wendi ngwendi Shukulu Kalunga Njambi yove nakwana vyuma vyoshe vyavivwa vije vyakukulaesele. Vikulaeso vyoshe vinalingiwa, co kukwesi cimo canonwa cai.