Myaso 9:9 - Livulu lya Shukulu Kalunga

⁹ Shukulu Kalunga wapwa cimpaka ca vaka-kuyanda, cimpaka cakutewela a simbu ya tuyando.

Myaso 9:9 Iomraidhean Croise

1 Mizimbu 16:33

Co miti ya mu shwata itambeke nakujolela ku mesho a Shukulu Kalunga, omwo aija nakusompa vanu voshe vali ano asi.

Myaso 108:12

Tukwase kulwisa vitozi vetu, omwo kukwasa kwa vanu kunapu kwangoco.

Myaso 142:4

Njikenga ku livoko lyange lya cilyo nakumona, oloni naumo wai asa kunjikwasa, naumo wai asa kunjinyunga, naumo wai asa kunyunga mwonyo wange.

Myaso 18:2

Shukulu Kalunga ikeye muka-kunjinyunga, ikeye wapwa cimpaka cange cakukola. Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa.

Myaso 20:1

Shukulu Kalunga akukumbulule omo uli mu vukalu! Njambi ya Yakomba akunyunge!

Myaso 32:7

Yove unapu cishwamo cange, ukanjamena ku tuyando, njikaimba nakutambeka akwamena kwove, omwo yove ukanjinyungu.

Myaso 37:39

Kwamena kwa vaka-vushunga kutunda kuli Shukulu Kalunga. Ikeye vutewelo vwavo a simbu ya tuyando.

Myaso 46:1

Njambi ikeye vutewelo vwetu na nzili yetu, wakala muyehi-yehi netu nakutukwasa a simbu ya tuyando.

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 48:3

Njambi namwesa ngeci, kuje kwali kuli kwoloka.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 62:8

Eni vasamba vange kulaeleni kuli Njambi simbu yoshe! Mulekeni vukalu vweni vwoshe, omwo ikeye muka-kutunyunga.

Myaso 67:5

Vanu voshe vakushangazale yove Njambi, vanu voshe vakushangazale!

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Myaso 96:10

Endekeni kuli vanu voshe ngweni, “Shukulu Kalunga ikeye mwene! Kaye anga vakemikilile mu mwela wako kukesi kushwenya embwe, ikeye akasompa vanu voshe mu vushunga.”

Myaso 98:9

omwo akaija nakusompa vanu voshe vali ano asi. Shukulu Kalunga akashwana vanu voshe vali ano asi mu vushunga.

Visimo 18:10

Shukulu Kalunga wapwa cimpaka ca nzili, muka-vushunga atewelako, co akovoka.

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 8:14

Omwo Akujela kwange kwakukomokesa, njapwa ngwe limanya lyakutanukisa vanu, njapwa ngwe mweto wakukwikiya vanu va vumwene vwa Yunda na Isalele, na vanu va Yelusalema.

Nahumi 1:7

Shukulu Kalunga wapwa wamuvwa, Akamena vanu vendi mu simbu ya tuyando, akanyungu vaje vatengulukila kuli ikeye.

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Kwituluka mu Mashiko 33:27

Njambi simbu yoshe wapwa cimpaka ceni, simbu yoshe mavoko endi kuwesi kujuka kumivungutiya. Ikeye washekele vitozi veni kulutwe lweni, co wamilekele ngeci muvanyongese voshe njwa.

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.