Myaso 9:20 - Livulu lya Shukulu Kalunga

²⁰ Vazivise lyova yove Shukulu Kalunga, vazivuke ngeci vakevo vanapu vanu.

Myaso 9:20 Iomraidhean Croise

2 Mizimbu 14:10

Co Asa wamulwisile, vinzita vyoshe vivali vyalikwalalekele mu myela yavyo ku Cana ca Zefata kuyehi na Malesha.

Myaso 3:8

Kwamena kwatunda kuli Shukulu Kalunga, Shukulu Kalunga avezikise vanu vendi!

Myaso 62:9

Vanu voshe vanapu ngwe muku, naumo wai napu wa seo. Kuvapeselesa voshe kuvesi na vulemu, vanapu vavehu ngwe muku.

Myaso 76:12

Ikeye ononwesa vana va vimyene va kulyalesa, nakuzivisa lyova vimyene vakama.

Kutuuka 15:16

Lyova lyakama na munjunju vyawililile ali vakevo omwo vanamono nzili yove, Yove Shukulu Kalunga, co vakevo vemanene na lyova noo vanu vove vetile, vanu vove vaje vaunafuku.

Kutuuka 23:27

“Vanu vaje vamivyanangana njikavazivisa lyova, co njikalingisa kwiyasana akati ka vanu vaje mulinakulwa navo, co vitozi veni voshe vakamitewa.

Isaya 31:3

Vaka-Ingito kesi vinjambi embwe, vanapu lika vanu. Co tuvalu twavo vapwa situ lika kesi minzinzime. Omo Shukulu Kalunga amwesa vukalu vwendi, co anyongesa vaka-Ingito na voshe vaje vajendamenene ali vakevo. Co voshe vakanyonga.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ezekiyele 28:9

Omo vakaija nakukutsiya, kuma lalo ukendeka ngwove unapu u njambi ndi? Ukapwa u munu kesi u njambi omo vakakutsiya.

Ezekiyele 30:13

Shukulu Kalunga wa Akamwa ya Vyoshe alinakwendeka ngwendi, “Njikanyongesa tumponya na vinjambi va makuli mu Mefise, naumo wai akashwana Ingito, njikajujwisa vanu voshe.

Kwituluka mu Mashiko 2:25

Co kutunda ku litangwa lya lelo vene njikazivisa vanu lyova lyakumitewa. Co munu woshe akaziva ali yeni akajaja na lyova.’