Myaso 9:17 - Livulu lya Shukulu Kalunga

¹⁷ Kutsa kukekwo mamaneselelo a vaka-vuvi, na voshe vaje vavyana Njambi.

Myaso 9:17 Iomraidhean Croise

Yombi 5:13

Vaka-kunyanyama vatsa mu myeto na kutsa mu matumbe avo vavenya,

Yombi 8:13

Vanu vaka-vuvi vanalifu ngwe makanda, cinyangavili cavo cinahu, kasimbu lika, co Njambi vanamwivala.

Myaso 106:13

Oloni vwasi-vwasi vanu vevalele vipangi vya Shukulu Kalunga, vavyanene kunangula kwendi.

Myaso 44:17

Vyuma vyoshe vije vyalingiwile kuli yetu, nameme yetu kutwakwivalele, nambe kupokola cikumiiyo cije walikumiiye netu.

Myaso 44:20

Nga twalikelele kulemesa Njambi yetu, nakulombela kuli njambi weka,

Myaso 49:14

vakevo vanavasompela kutsa ngwe vimanga, co kutsa kukekwo kukapwa kanyungi kavo. Vaka-vushunga vakashwana akamwa yavo, omo mivila yavo ilinakusosonyoka mu vukalo vwa vatsi kulyala na membo avo!

Myaso 50:22

“Yeni vaka-kwivala Njambi tolilileni vyuma evi, kutewa njikaminyongesa, kukwesi weka lalo wakumyamena wai.

Visimo 14:32

Vaka-vuvi vakaliwisa vakevo vavenya a vilinga vyavo vya vuvi, oloni vaka-vushunga vali noku kwakutewela a kutsa kwavo.

Visimo 5:22

Vaka-vuvi vatsa mu ciliva cavo vavenya. Vatsa mu linimbwa lya vuvi vwavo vavenya.

Isaya 3:11

Oloni vaka-vuvi vananyongo, muje muvalingile kuli vakwavo mukemwo vakalinga lalo kuli vakevo.

Isaya 5:14

Vukalo vwa vatsi vulinakuvashungwiya, vuneshama kanwa kavwo, ngeci kaleule vaka-kufuka va mu Yelusalema amo na mbunga ya muyoyo wa vanu vangoco.

Njelemiya 13:25

Shukulu Kalunga nendeka ngwendi ou ukewo mutambela wove unjinakwana, omwo unanjivala, co unakulaela vinjambi va makuli.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 2:32

Kuma shombolwa asa kwivala vyakuzala vyendi vya senga, nambe cikoveyo cendi ca vushombolwa ndi? Oloni vanu vange vananjivala matangwa amangi manene.

Njelemiya 3:21

Vanazivi muyoyo akamwa ya malundu, vanu va Isalele valinakulila nakulambelela, omwo vanakele nakuyoya mu vuvi co vanevala Shukulu Kalunga Njambi yavo.

Ezekiyele 22:16

Ngecivene, kuukakala na kasingimiko ku miyati yeka, oloni ukazivuka ngeci yange njapwa Kalunga.”

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”