Myaso 9:14 - Livulu lya Shukulu Kalunga

¹⁴ ngeci njikemane ku mesho a vanu va mu Yelusalema, nakuvaleka vyuma vyoshe vije vinjikushangazala navyo. Njivwaelela omwo yove unanjovola.

Myaso 9:14 Iomraidhean Croise

Myaso 106:2

Iyajo asa kwambulula vilinga vya nzili ya Shukulu Kalunga? Iyajo asa kumushangazala nakupwisa?

Myaso 13:5

Oloni njinakulaela cizemo cove cije kucesi kutenguluka, mbunge yange ikajolela omwo unanjovola.

Myaso 20:5

Asinoni tukatambeka nakujolela akuhyana kwove, co mu lizina lya Njambi yetu tukashimbika vipandelo vyakushangazala Njambi yetu. Shukulu Kalunga akumbulule kulomba kwove kwoshe!

Myaso 21:1

Mwene ajolela omwo yove Shukulu Kalunga unamwana nzili, avwaelela omwo unamuhyanesa.

Myaso 22:22

Njikaleka vanu vange vije viwunalingi, njikakushangazala mu cikungulukilo cavo ngwange,

Myaso 22:25

Mu mbunga yakama njikakushangazala, omwo vije viwunalingi, ku mesho a vaje vaka-kukulemesa njikakombelela vin̄ombelo vije vinjakukulaesele.

Myaso 35:18

Asinoni njikakukandelela ku mbunga ya vanu vove, co njikakushangazala ku mesho avo voshe.

Myaso 35:9

Asinoni njikajolela muli Shukulu Kalunga, co njikavwaelela omwo nanjamena.

Myaso 42:4

Mbunge yange ipokoka omo njanuka vya kunima, omo njaile na mbunga ya vanu ku Njuvo ya Shukulu Kalunga, co njavatwamenenene omo vakele nakunjikava munima, yapwile mbunga yakuvwaelela, vembile nakutambeka nakushangazala Njambi.

Myaso 51:12

Njivwaesele kujolela kwakwamena kwove, nakunjipwisa muka-kukwononoka.

Myaso 51:15

Njikwase kwendeka yove Shukulu Kalunga, co njikakushangazala.

Myaso 6:3

Yange njinalijujukila manene. Yove Shukulu Kalunga, njikakala visimbu vingaijo mu cifwa eci?

Myaso 75:9

Oloni yange njikambulula vuvwa vwove ku myaka yoshe, njikakwimbila mwaso wakukushangazala, yove Njambi ya Yakomba.

Myaso 79:13

Asinoni yetu vanu vove, vimanga va ku vutanga vwove, tukakukandelela ku myaka yoshe, nakukushangazala visimbu vyoshe.

Kutuuka 3:7

Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe.

Kutuuka 3:9

Mwa vushunga njinazivi mutambi wa vanu vange, co njamono muvali nakuvayandesela vaka-Ingito.

Isaya 12:3

Ngwe omo mema akutonola akanene kujolela kuli uje ali na lihwila, ngecivene, vanu va Njambi vajolela omo avamena.”

Isaya 37:22

Shukulu Kalunga nendeka ngwendi, “Nganda ya Yelusalema ilinakujola yove, Senakelivi, nakukushendumuna.

Isaya 62:11

Shukulu Kalunga alinakwendeka ku vanu voshe va mu kaye ngwendi, “Lekeni vanu va Yelusalema ngweni, Shukulu Kalunga alinakwija nakwovola nganda ya Siyone, nakwana vanu vamwo cikandelela.”

Mika 4:13

Shukulu Kalunga alinakwendeka ngwendi, “Vanu va mu Yelusalema, yeni nakunyanyamesa vitozi veni! Njikamitakamesa ngwe ngombe wa nkomba wa vimbinga vya vutale na vimbemba vya vunengu. Mukatsena miyati yaingi ya vanu na vufuko vwavo na nzita, co mukavwana kuli yange Kalunga wa kaye koshe.”

Hambakuke 3:18

anga vene njikajolela nakuvwaelela muli Shukulu Kalunga, omwo Shukulu Kalunga Njambi, ikeye wapwa muka-kunjinyunga.

Luka 1:47

mwonyo wange uvwaelela omwo Njambi Muyoyesi wange,

1 Samwele 2:1

Hana walombelele ngwendi, “Mbunge yange ijolela muli Shukulu Kalunga, njavwaelela omwo a evi vyanalingi Shukulu Kalunga! Njilinakujola vitozi vange, njijolela manene omwo Njambi nanjikwasa!