Myaso 89:41 - Livulu lya Shukulu Kalunga

⁴¹ Voshe vaje vaita mu ngila vapukula vivala vyendi, na miyati ije ili kwoshe-ikwoshe valinakumushendumuna.

Myaso 89:41 Iomraidhean Croise

Nehemiya 5:9

Asinoni njendekele ngwange, “Evi mulinakulinga kuvyavwaele! Munapande kwononoka Njambi nakulinga vya vushunga. Co kesi mwane vitozi vetu, ava kesi vaYunda, ngila yakutuyeluwisa.

Myaso 74:10

Yove Njambi visimbu vingaijo, vitozi vetu vakakujola? Kuma vakatwalao kushaula lizina lyove ku myaka yoshe ndi?

Myaso 79:4

Miyati ya vanu vaje vanatuzengeleka valinakutushaula, nakutujola nakutushendumuna.

Myaso 80:13

Vyombo valinakuulyatangela na tusitu lalo valinakuulya.

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Isaya 5:5

“Eci cikeco cinjikalinga ku citungu cange ca mikolovozi ya vushuka vwa vinyu. Njikatundisa cipatanga cakwo, co njikasiwula civumbe cije canyungako, ngeci tusitu vakalye vushuka nakuvulyatangela.

Njelemiya 24:9

Njikanena vukalu ali vakevo ngeci miyati yoshe ya mu kaye vakalikomokele. Vanu vakavashendumuna, co vakalinga litangalakazi ali vakevo, nakuvayengula, nakupangesa mazina avo ngwe cisingo kwoshe kuje njavashandwela.

Njelemiya 29:18

Njikavayandesa na nzita, na njala ya lyangengela, na mushongo, co miyati yoshe ya mu kaye vakalikomokela a vije vakamona. Kwoshe kuje kunjikavashandwela, vanu kakalisimoka nakulikomokela a vije vinalingiwa kuli vakevo. Vanu vakavashendumuna, nakupangesa lizina lyavo kupwa cisingo.

Njelemiya 42:18

“Shukulu Kalunga, Njambi ya Isalele alinakwendeka ngwendi, ‘Ngwe muje njaluvalele na vanu va Yelusalema, ngecivene, njikaluvala lalo neni nga yeni muya ku Ingito. Mukakala mu vukalu vwakama manene, co vanu vakamishendumuna, nakupangesa lizina lyeni kupwa cisingo. Nalumo lwai lalo mukamona mutambela uno.’ ”

Njelemiya 44:12

Ngwe ali vanu va mu Yunda vaje vanasala, vaje vali na cizango cakuya nakukakala ku Ingito, voshe njikavanyongesa, vanike na vakulunu voshe, vakatsila mu Ingito, mu nzita, nambe ku njala ya lyangengela. Vakapwa vanu va vunyengwe, vanu va mafuti eka vakavashendumuna, co lizina lyavo likapwa cisingo.

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Mbimbi 2:5

Shukulu Kalunga nanyongesa Isalele ngwe citozi, naseza vimpaka vyendi na mapela endi mu ngundu. Nanena vusiwa vwa myaka yoshe, ali vanu va mu Yunda.

Mbimbi 5:1

Yove Shukulu Kalunga anuka vije vinalingiwa kuli yetu. Kenga ali yetu, co mona kushauka kwetu.

Ndanyele 9:16

Yove watwamenene a simbu ya kunima, ngecivene, kesi uluvale na Yelusalema. Ikeyo yapwa nganda yove, lilundu lyove lyakujela. Vanu voshe vaje twalyata navo valinakukenga a Yelusalema na ali vanu vove omwo vuvi vwetu na vuvi vuje vuvalingile vakukulwila vetu.

Kwituluka mu Mashiko 28:37

Ku mafuti kuje kwakamishandwela Shukulu Kalunga, vanu vakalisimoka akumona vije vyalingiwa kuli yeni, co vakamishendumuna nakumijola.