Myaso 89:27 - Livulu lya Shukulu Kalunga

²⁷ Njikamupwisa munange wa ntwatwa, co akapwa wakama ku vimyene voshe va asi.

Myaso 89:27 Iomraidhean Croise

2 Samwele 22:47

Shukulu Kalunga wayoya! Shangazaleni muka-kunjilwila! Shangazaleni vukama vwa nzili ya Njambi muka-kunjamena.

2 Samwele 7:14

Co yange njikapwa nji ishe, na ikeye lalo akapwa munange. Omo akalinga mwamuvi, co njikamunyanyamesa ngwe ishe ya munu mwakanyanyamesa munendi.

2 Mizimbu 1:12

Co njikakwana mana nakuzivisisa, amo na vufuko vwavungi, na lutsimo kutuvakana vimyene voshe vaje vakeleko laja nambe vaje vakakalako kulutwe.”

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Myaso 71:3

Pwa limanya lyange mwakutewela, muje njasa kutewela simbu yoshe, shika lishiko lyakunjamena! Omwo yove u limanya lyange na cimpaka cange.

Myaso 72:11

Vimyene voshe vakatsikama ku mesho endi, co miyati yoshe vakamupangela!

Kutuuka 4:22

Asinoni ukendeka kuli mwene ngwove Shukulu Kalunga nendeka ngwendi, ‘Isalele wapwa munange wa munalume, ikeye ntwatwa yange.

Isaya 49:7

Njambi wakujela wa Isalele na muyoyesi nendeka kuli uje uvayengula vanu, uje ivazinda vaka-mafuti, nakupwa ngamba ya vaka-kushwana ngwendi, “Vimyene vakakumona omo ukapatuka, co vakemana mukumwesa kasingimiko kavo, na vana va vimyene lalo vakacimona, co vakakulama nakukusingimika.” Eci cikalingiwa omwo Shukulu Kalunga, naangula ngamba yendi, Njambi wakujela wa Isalele, muka-kunyunga cikulaeso cendi.

Kulava 24:7

Vakevo vakakala na nyonzi yakama, co vakakuna vimbuto vyavo mu mahya akutukumwina. Mwene yavo akapwa wakama kutuvakana Angange, co vumwene vwavo vukatsimana manene.

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Kolose 1:15

Kilistu ikeye napu cifwa ca Njambi uje kutwasa kumona. Ikeye Mwana wa ntwatwa, mutwe wa vyuma vyoshe vyakutanga.

Kolose 1:18

Ikeye napu mutwe wa muvila wendi, ukewo cikungulukilo, na nsina ya mwonyo wa muvila. Napu Mwana wa ntwatwa, uje wasangukile kutunda ku vatsi, ngeci ikeye lika napande kupwa wakulivanga mu vyuma vyoshe.

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”

Kujombolola 21:24

Miyati ya vanu voshe va mu kaye vakenda mu ceke camwo, co vimyene va ano asi vakanenamo vufuko vwavo.