Myaso 89:2 - Livulu lya Shukulu Kalunga

² Omwo cizemo cove cije kucesi kutenguluka cikakalako simbu yoshe. Kulongwa kwove kwakala myaka yoshe ngwe melu.

Myaso 89:2 Iomraidhean Croise

Nehemiya 1:5

“Yove Shukulu Kalunga Njambi wa mwilu! Yove Njambi wakama, wakujujwisa. Yove muka-kunyunga cikumiiyo na cizemo cije kucesi kutenguluka kuli vaje vakuzema nakunyunga mashiko ove.

Nehemiya 9:17

Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Nehemiya 9:31

Omwo ngozi yove yakama, kuwavasezele nambe kuvanyongesa. Yove Njambi muka-ngozi na mema ku mbunge!

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 119:89

Lijwi lyove likakala ku myaka yoshe yove Shukulu Kalunga, likelyo lyakola mbe mwilu ya melu.

Myaso 146:6

Ishamatanga uje watangele lilu, na asi na mema a kalunga na vyoshe vije vilimo. Ikeye muka-kunyunga cikulaeso cendi simbu yoshe,

Myaso 36:5

Shukulu Kalunga, cizemo cove cije kucesi kutenguluka cinete na mu melu, kulongwa kwove kunete ku mashelwa.

Myaso 40:11

Shukulu Kalunga njazivuka kuukalikela kunjizivilako mema ku mbunge! Cizemo cove cije kucesi kutenguluka na kulongwa kwove vikanjinyunga simbu yoshe.

Myaso 42:1

Ngwe nava ashungwiya manene vana va vindonga vya mema akutonola, nange lalo njishungwiya yove, Njambi yange.

Myaso 89:37

Vumwene vwendi vukakalako myaka yoshe ngwe ngonde, vukapwa vukaleo vwavuvwa vwa mwilu.”

Myaso 89:5

Shukulu Kalunga melu alinakushangazala vilinga vyove vyakukomokesa, na kulongwa kwove valinakuviimba mu vikungulukilo vya vaka-kujela.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Mateo 24:35

Lilu na asi vikaita, oloni majwi ange kuwakaiti embwe.

Luka 1:50

ikeye akamwesa mema ku mbunge kuli voshe vamusingimika, kutunda ku cisemwa cimo kutwala ku cisemwa cikwavo.

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.