Myaso 88:11 - Livulu lya Shukulu Kalunga

¹¹ Kuma cizemo cove cije kucesi kutenguluka vakacambulula mu mbumbo ndi? Nambe kulongwa kwove vakacambulula mu mutambela uje wa tuyando ndi?

Myaso 88:11 Iomraidhean Croise

Yombi 21:30

A litangwa lyakuluvala kwa Njambi nakuhisa, vaka-vuvi vakevo vakasalao.

Yombi 26:6

Vukalo vwa vatsi vuli mushelengwa ku mesho a Njambi, co kuvesi na vintelo vyakuvazikinina ku mesho endi.

Myaso 55:23

Oloni yove Njambi, ukombila kuti mapwepwe na vaka-makuli mu mbulu yakulova manene, kuvakayoyo kweta akati ka matangwa avo akuyoya embwe. Oloni yange njikakulaela kuli yove.

Myaso 6:6

Vusiwa vwange vunanjizeyesa, vutsiki na vutsiki vulili vwange na musato wange vijula na misozi.

Myaso 73:18

Mwa vushunga ukavaka mu mitambela yakuseneta, co ukavawisila asi nakuvanyongesa!

Visimo 15:11

Nambe vukalo vwa vatsi, kuvwasa kuvindika Shukulu Kalunga kuzivuka vije vilimo, co munu asa kushweka vatijo viyongola vyendi ku mesho a Njambi?

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Ezekiyele 37:3

Asinoni Shukulu Kalunga wanjihwile ngwendi, “Muna munu, vitsiya evi vyasa kuyoya lalo ndi?” Co njakumbulwile ngwange, “Yove Shukulu Kalunga wa Akamwa ya Vyoshe, yove lika uzivuka evi!”

Mateo 7:13

“Koveleni mu cikolo cacindondo, omwo cikolo cakama na ngila yakujanjavala viya kukunyongesa, co vavangi valinakuyamo.

Loma 9:22

Co eci cinapu ca vushunga a vije vyanalingi Njambi. Njambi washakele kumwesa vukalu vwendi nakusholola nzili yendi. Oloni wasimpile nakuyanda ali vaje wakengele na vukalu, vaje wapandele kunyongesa.

2 Petulu 2:1

Oloni ku san̄ulu kwasholokele vaka-kwimanena va makuli akati ka vanu, co mu cifwa eci vene, valongisi va makuli vakasholoka lalo akati keni. Vakevo vakanena vilongesa vyavivi vyakunyongesa vyakujeneka vushunga, nakuvyana Shukulu yavo uje wavovwele, co vakalinenela vakevo vavenya kunyonga kwa vwasi-vwasi.