Myaso 86:8 - Livulu lya Shukulu Kalunga

⁸ Kukwesi weka lalo wakulifwa nove akati ka vinjambi yove Shukulu, kukwesi vipangi vyakulifwa nevi vyove.

Myaso 86:8 Iomraidhean Croise

2 Mizimbu 2:4

Njilinakutunga Njuvo ya Shukulu Kalunga mukusingimika Shukulu Kalunga Njambi yange. Ikeyo ikapwa mwela wakujela kuje vanu vange nange tukalemesela Shukulu Kalunga nakwenyeka insense yakunika lwengo, kuje kukekwo kutukamutwalela vin̄ombelo vya makende akujela a simbu na simbu, kuje kukekwo kutukamukombelela vin̄ombelo vya kwenyeka a mutondo a mutondo na a cingwezi a cingwezi, na a Matangwa Akuhwima, na a Viwano vya Kutenama kwa Ngonde, na a matangwa eka akujela mukusingimika Shukulu Kalunga Njambi yetu. Ikeye nashiki vaIsalele kulinga ngeci ku myaka yoshe.

Myaso 135:5

Njazivuka ngwange Shukulu Kalunga ikeye wapwa wakama, wapwa wakama kuhyana vinjambi voshe.

Myaso 136:4

Ikeye endi lika muka-kulinga vikomokeso vyakama, omwo cizemo cendi cije kucesi kutenguluka cakala ku myaka yoshe.

Myaso 89:6

Shukulu Kalunga naumo wai ali mwilu wakulifwa nove, naumo wai wa vana va vinjambi wakupwa amo nove.

Myaso 89:7

Yove wapwa wakujujwisa mu munga ya vaka-kujela, co vukama vwove vwapwa vwakukomokesa kuli voshe vaje vali mwilu.

Myaso 89:8

Shukulu Kalunga Njambi Muka-nzili yoshe, iyajo walifwa nove? Yove Shukulu Kalunga mu vyuma vyoshe yove wapwa wa kulongwa.

Myaso 95:3

Omwo Shukulu Kalunga ikeye Njambi muka-nzili, ikeye mwene wa nzili kuhyana vinjambi voshe.

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Kutuuka 8:6

Ngecivene, Alone wolwele mulamu akamwa ya mema oshe, co mambotwe vatuukile nakushulisa mu lifuti lya Ingito mwoshe.

Isaya 40:18

Iyajo alyeseka na Njambi? Cifwa mukajo mukamusetekesa naco?

Isaya 40:25

Njambi wakujela mwasa kumusetekesa neyajo? Kuma kwali umo wakulifwa nendi ndi?

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Ndanyele 3:29

“Ngecivene, njishika lishiko ngwange, munu woshe wa ku lifuti lika, nambe muyati uka, nambe endeka ndaka yeka vaje vakashaula Njambi ya Shandelaki, na Meshake, na Ambendenengo, vakamutetange vipuka-vipuka, co njuvo yendi vakayinyongese. Omwo kukwesi lalo njambi weka asa kwamena ngacije.”

Kwituluka mu Mashiko 3:24

‘Yove Shukulu Kalunga wa Akamwa ya Vyoshe, njazivuka ngwange yove wanjisholwela lika vushangumukilo vwa nzili na vyuma vyakukomokesa vije viwukalinga. Co kukwesi njambi weka lalo mwilu nambe ano asi uje asa kulinga vyuma vya nzili ngwe viwukalingi!

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.