Myaso 86:10 - Livulu lya Shukulu Kalunga

¹⁰ Yove uwakama, co ukalingi vyuma vyakukomokesa omwo yove lika u Njambi.

Myaso 86:10 Iomraidhean Croise

Yombi 11:7

“Yove wasa kuwana vyuma vyakulova vya Njambi ndi? Wasa kuwana aje ahwila vukama vwa Njambi Muka-nzili yoshe ndi?

Myaso 72:18

Shangazaleni Shukulu Kalunga, Njambi ya Isalele! Ikeye lika muka-kulinga vyuma vyakukomokesa!

Myaso 86:8

Kukwesi weka lalo wakulifwa nove akati ka vinjambi yove Shukulu, kukwesi vipangi vyakulifwa nevi vyove.

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Isaya 37:16

“Shukulu Kalunga Muka-nzili yoshe, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 45:5

“Yange Kalunga, kukwesi njambi weka lalo. Njikakwana nzili ije iwushaka, nameme kuunjizivuka.

Mako 12:29

Yesu wamukumbulwile ngwendi, “Lishiko lyakama kutuvakana linapu eli, ‘Tolilileni, yeni vaIsalele! Shukulu Kalunga ikeye lika Shukulu Kalunga Njambi yetu.

Vilinga vya Miluwa 4:30

Sholola livoko lyove mukukangwisa, co tava ngeci vikomokeso na vizivukiso vavipange mu lizina lya Ngamba yove wakujela Yesu.”

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

Efeso 4:6

kuli Njambi umo ikeye wapwa Ishe ya vanu voshe, ikeye Mwene ya vyoshe, wapanga mu vyoshe, co lalo wakala mu vyoshe.

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.