Myaso 84:9 - Livulu lya Shukulu Kalunga

⁹ Tolilila yove Njambi! Vezikisa mwene yetu, mwene uje iwunaangula!

Myaso 84:9 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

2 Samwele 23:1

Ndaviti muna Njesi wapwile munu uje Njambi wamupwisile wakama, uje Njambi ya Yakomba wamwangwile kupwa mwene, ikeye wapwile muka-kumanga myaso yaivwa ya Isalele. Awa akewo majwi a Ndaviti akumanesela.

2 Mizimbu 6:42

Shukulu Kalunga Njambi, kesi uvyane mwene ou iwunaangula. Anuka cizemo cove ciwakele naco kuli ngamba yove Ndaviti.”

Myaso 132:17

Njikapwisa umo wa vatekulwila va Ndaviti kupwa mwene wa nzili vumwene vwendi vukakalako, ngwe ndeya ije ishukuma myaka yoshe.

Myaso 17:1

Yove Shukulu Kalunga, tolilila mutambi wange wakukulambelela ngeci unjilingile vushunga, ziva mutambi wange wakunjikwasa! Ziva lilombelo lyange lya vushunga.

Myaso 2:2

Vimyene va ano asi vanaangunuka, vaka-kushwana vanalikungulwila amo, nakutumba matumbe amavi akulwisa Shukulu Kalunga, na wakuvwavesa wendi, co vendeka ngwavo,

Myaso 2:6

“Njinaka mwene yange a Siyone, lilundu lyange lyakujela.”

Myaso 3:3

Oloni yove Shukulu Kalunga, simbu yoshe wapwa u ntelo yange yakunjizikinina ku vushonde, yove unjihyanesa nakunjitakamesa.

Myaso 59:11

Kesi uvatsiye yove Njambi, nambe vanu vange kesi vevale kuhyana kwove. Yove Shukulu Kalunga cimpaka cetu! Vashandole na nzili yove nakuvafungulula.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 89:20

Njinaangula ngamba yange Ndaviti kupwa mwene, njinamuvwavesa mazi ange akujela.

Myaso 98:1

Imbileni Shukulu Kalunga mwaso wauha, nalingi vyuma vyakukomokesa! Mu nzili yendi nahyana vyoshe.

Vilinga vya Miluwa 4:27

“Omwo mwa vushunga vene Helonde na Pontiyu Pilato valikungulwile amo mu nganda ino amo na ava kesi vaYunda na vanu va Isalele nakulwisa Yesu, Ngamba yove wakujela uje iwavwavesele.

Kwituluka mu Mashiko 33:29

Wavezika yove Isalele! Kukwesi umo wakufwa ngwe yove wai, muyati wanamena Shukulu Kalunga. Shukulu Kalunga vavenya wapwa ntelo yeni, na mukwale weni, mukumyamena nakumihyanesa. Vitozi veni vakaija nakumilomba ngeci muvazivileko mema ku mbunge, oloni yeni mukavalyatangela.”

1 Samwele 16:6

Omo vetele, Samwele wamwene Elyave muna Njesi, co wayongwele ngwendi, “Mwa vushunga ou ikeye yanaangula Shukulu Kalunga.”

1 Samwele 2:10

“Vitozi va Shukulu Kalunga vakavanyongesa, akavahyatwila mihyato mwilu. Shukulu Kalunga akasompa kaye koshe, ikeye akana nzili kuli mwene yendi, akahyanesa mwene uje yanalyangwila.”