Myaso 84:7 - Livulu lya Shukulu Kalunga

⁷ Omo vakele nakuya vavawezelelele nzili, co munu na munu walisholwele kuli Njambi wa Siyone!

Myaso 84:7 Iomraidhean Croise

Yombi 17:9

Vaje valitumbula kupwa vaka-vulemu, vanavetesa kupwa vaka-vushunga.

Myaso 122:2

Ololo tuli kuno, tunemana mu vikolo vya Yelusalema!

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Myaso 43:3

Twisa ceke cove na vushunga vwove, ngeci vinjitwamenene nakunjitwala ku Siyone, lilundu lyove lyakujela, na ku Njuvo yove kuje kuwakala!

Visimo 4:18

Ngila ivakende vaka-vushunga inapu ngwe kutuuka kwa litangwa lije litwa ceke noo lyalondo njamba.

Isaya 40:31

Oloni vaje vakulaela kuli Shukulu Kalunga mukuvakwasa, vakawana nzili yaiha. Vakapulula a mambava ngwe vingonga, vakashatuka oloni kuvakajuka, vakenda oloni kuvakazeye.”

Isaya 46:13

Litangwa lyakumyamena lili muyehi, kulyesi kulyala embwe. Kwamena kwange kucikeshwala embwe. Njikaamena Yelusalema, nakunena kasingimiko ku Isalele.’ ”

Isaya 58:11

Co simbu yoshe njikamitwamenena nakumyana vyuma vyavivwa. Njikaminyunga mwamuvwa nakumitakamesa. Mukafwa ngwe lihya lije lili na mema amangi, ngwe lisima lya mema a kavwelu-vwelu lije kulyesi kuma cau.

Njelemiya 31:6

Eyo, simbu ilinakwija omo vaka-kunyunga vakatambeka a malundu a Efalime ngwavo, ‘Tuyeni ku Siyone, kuli Shukulu Kalunga Njambi yetu.’ ”

Ezekiyele 34:26

“Njikavavezikisa nakuvezikisa mitambela ije inazengeleka lilundu lyange lyakujela. Njikatuma nyonzi ya vusuku-mbundu kupwa vivezikiso vyavo.

Zakaliya 14:16

Asinoni vaje vasaleleo ku miyati yoshe ya vanu vaje valwisile Yelusalema vakaya ku Yelusalema a mwaka na mwaka mukulemesa Shukulu Kalunga Muka-nzili yoshe ngwe mwene, co vakalisamba a Ciwano ca Mapapela.

Luka 2:24

Vakevo lalo vaile mukukombelela n̄ombelo ya tutela vavali nambe vana va mayembe vavali ngwe muvemika mu lishiko lya Shukulu Kalunga.

Yowano 1:16

Co akushula na kutetela kwendi watuvezikisile tuvoshe, watwanene vivezikiso kuwezelela a vivezikiso vikwavo.

Yowano 14:3

Co omo njinayi nakumivwaesela kwakukala, njikeluka lalo nakumizila ngecivene, mukakale kuje kunjikakala yange.

Yowano 15:2

Ikeye ateta munango woshe uli muli yange uje kuwimi vushuka, co munango woshe wima vushuka awunonga ngeci wime vushuka vwavungi.

Yowano 6:39

Co cizango ca uje wanjitumine cinapu kunyunga voshe vaje vananjana ngeci voshe njikavasangwile ku mwonyo a litangwa lyakukotoka.

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.

1 Tesalonika 4:17

asinoni yetu tucili nakuyoya a simbu ije vakatukungulwila amo navo mu mashelwa nakuliwana na Mwene a mukambwila. Co tukakala amo na Mwene simbu yoshe.

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.