Myaso 84:11 - Livulu lya Shukulu Kalunga

¹¹ Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 84:11 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Myaso 119:114

Yove wapwa u ntelo yange na cimpaka cange, cinyangavili cange cakala mu lijwi lyove.

Myaso 15:2

Uje ononoka Njambi simbu yoshe nakulinga vyakushungama, co endeka vushunga mu mbunge yendi,

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Myaso 3:3

Oloni yove Shukulu Kalunga, simbu yoshe wapwa u ntelo yange yakunjizikinina ku vushonde, yove unjihyanesa nakunjitakamesa.

Myaso 47:9

Vaka-kushwana miyati ya vanu vanakunguluka amo na vanu va Njambi ya Avilahama, omwo vintelo vyoshe vya asi vyakundama kuli Njambi, ikeye wakama manene.

Myaso 84:9

Tolilila yove Njambi! Vezikisa mwene yetu, mwene uje iwunaangula!

Myaso 85:12

Mwa vushunga Shukulu Kalunga, akana vije vyavivwa, co tukateja vimbuto vyavingi mu lifuti lyetu.

Visimo 10:9

Uje enda mu vushunga ikeye enda mu kwoloka, oloni uje enda mwa kupenga-penga vakamukwata.

Visimo 2:7

Shukulu Kalunga natulikila mana vaka-vushunga nakunyunga vaka-kulongwa, amena vaka-kujeneka mulonga.

Visimo 28:18

Pwa munu wa kulongwa, co ukovoka, nga kuupu munu wa kulongwa, co vwasi-vwasi ukawa.

Visimo 28:6

Mwamuvwa kupwa kautu na kulongwa, kutuvakana kufuka nakujeneka kulongwa.

Mika 2:7

Kuma mwayongola ngeci vanu va mu Isalele vali mu cisingo ndi? Kuma Shukulu Kalunga kasa kuvandamena ndi? Kuma asa kulinga vyuma vyangacije ndi? Kuma kesi kwendeka mwamuvwa kuli vaje vaka-kulongwa ndi?”

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Yowano 1:16

Co akushula na kutetela kwendi watuvezikisile tuvoshe, watwanene vivezikiso kuwezelela a vivezikiso vikwavo.

Yowano 1:9

Eci cikeco capwile ceke ca vushunga, ceke cije cilinakwija mu kaye nakutwila ali vanu voshe.

Yowano 8:12

Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

Ngalatiya 2:14

Oloni omo njamwene ngeci kuvakele nakwenda mu ngila yaivwa ya vushunga vwa muzimbu, co njendekele kuli Petulu ku mesho avo voshe ngwange, “Yove unapu u kaYunda, oloni unakala nakuyoya ngwe uje kesi kaYunda, kesi ngwe kaYunda. Ngecivene, vati wasa kusindiiya vaje kesi vaYunda ngeci vayoye ngwe vaYunda?”

Kwituluka mu Mashiko 18:2

Kuvakakala na vushwana akati ka vandolome vavo embwe. Shukulu Kalunga ikeye vushwana vwavo ngwe mwavakulaesele.

Filipu 1:6

Ngecivene, njazivuka ngwange Njambi, uje washangumukile cipangi eci cacivwa muli yeni, akatwalao noo nacimanesa a Litangwa lya Yesu Kilistu.

Filipu 4:19

Co Njambi yange akamyana vyuma vyoshe vije mushaka ngwe kukujeneka kweni muli Kilistu Yesu.

Kujombolola 21:23

Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.