Myaso 83:10 - Livulu lya Shukulu Kalunga

¹⁰ Wavanyongesele ku Endole, co mivila yavo yavolelele asi.

Myaso 83:10 Iomraidhean Croise

2 Vimyene 9:37

Vilyo vyendi vije vikasalao vakavikuva mu lihya ngwe vwilo, co naumo wai akazivuka ngeci vinapu vya Njezevele.’ ”

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 8:2

Kuvakavikungulula nakuvitsinda, oloni vitsiya vyavo vikafwa ngwe vwilo. Vakavishanda a litanya, na ngonde, na vingongonosi, vije vivazemene nakuvipangela, nakuvilemesa.

Zefaniya 1:17

Shukulu Kalunga alinakwendeka ngwendi, “Njikanena tuyando twakama ngeci vanu voshe vakapuputiya ngwe tupuputwa. Vanalingi vuvi ku mesho ange, co ololo maninga avo vakawetila ngwe muvaketila mema, co mivila yavo ikalala asi nakuvolelao.”

Yoshwa 17:11

Co mu lifuti lya Isakale, na Ashele, Manase vamwanenemo nganda ya Mbete Shane, na Imbelyame, na vinganda vije vyazengelekeleko na Ndole nganda ije yakele ku cikuma, na Endole, na Tanaake, na Mengindo, na vinganda vije vyazengelekeleko.

Maako 4:15

Omo Mbalake washolokele na nzita yendi mukulwa, co Shukulu Kalunga wauya-wuyisile Sisela na matemba endi oshe na mashwalale. Sisela washulukile mu litemba lyendi, co watewele.

Maako 4:16

Mbalake washekele mashwalale na matemba, kweta na mu Haloshete ya Vaka-kujeneka kukulaela, co mashwalale voshe va Sisela vavatapele mitwe na mukwale. Naumo wai wasaleleo.

Maako 5:21

Co livazi lya mu Kishone lyavakupwile, ndonga ya ku san̄ulu, Ndonga ya Kishone. Njikenda, nakwenda kutwalao na nzili!

Maako 7:25

Co vakevo vafungulwile vimyene vavali va vaMindyani, Oleva, na Zeve. Co vatsiilile Oleva ku Limanya lya Oleva, co vatsiilile Zeve a Cikamwino ca Zeve. Co vatwaleleo kusheka vaMindyani, vanenele mitwe ya Oleva na Zeve kuli Ngilyone, uje wakele mu ngangela musambwa ya Yondau.

1 Samwele 28:7

Asinoni Saulu washikile vamyata vendi ngwendi, “Njishakezekeleni munakazi muka-kwendeka na vakulu, ngeci njiyeko nakumwihula.” Co vamukumbulwile ngwavo, “Kwali umo mu Endole.”