Myaso 81:7 - Livulu lya Shukulu Kalunga

⁷ Omo mwakele mu tuyando mwatambekele kuli yange, co njamyamenene, njamikumbulwile mu lishelwa lyakuluma, co njamyesekele ku masima a tuvwelu-vwelu a ku Meliva.

Myaso 81:7 Iomraidhean Croise

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Kutuuka 14:10

Omo vaIsalele vamwene mwene na mashwalale vendi vakina likuluta valinakwija mukuvalwisa, co vazivile manene lyova, co vatambekele kuli Shukulu Kalunga ngeci avakwase.

Kutuuka 14:24

A mungulungengu, simbu kanda kukye, Shukulu Kalunga wakele mu manda ya tuhya na mu manda ya lishelwa, wakengele asi ku mbunga ya vaka-Ingito, co wavauya-wuyisile.

Kutuuka 19:19

Co omo cikumo ca lupembo catuvakanene manene kutenda nakutendangana, asinoni Mosesa wendekele, co Njambi wamukumbulwile mu cililimo.

Kutuuka 2:23

Co omo kwetile myaka yaingi, mwene wa Ingito watsile. Oloni vaIsalele vakele nakukemanga omwo ya vundungo vwavo, vakele nakutambeka ngeci vavakwase. Co mutambi wavo wetele kuli Njambi.

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Kutuuka 6:6

Ngecivene, leka vaIsalele ngwove, ‘Yange njapwa Kalunga, njikamipatula mu vundungo vweni kuli vaka-Ingito. Njikajundula livoko lyange lya nzili mukusholola cihiso cakukomokesa ali vakevo, oloni yeni njikamikula.

Njelemiya 16:14

Shukulu Kalunga alinakwendeka ngwendi, “Simbu ilinakwija omo vanu kuvakalisingi nakwendeka ngwavo njapwa Njambi wakuyoya, uje watundisile vanu va Isalele mu lifuti lya Ingito.

Kulava 20:13

Evi vyalingiwile kuje ku Meliva, kuje vanu va Isalele valinyenyetele nakutengulukila Shukulu Kalunga, co kuje lalo Shukulu Kalunga walimwesele ngeci wapwa wakujela akati kavo.

Kulava 20:24

“Alone kakakovela mu lifuti lije linjakulaesele Isalele kuvanalyo, oloni ikeye akatsa, omwo muvuvali vweni mwatengulukilile nakulwisa mashiko ange ku Meliva.

Kwituluka mu Mashiko 33:8

A muyati wa Levi Mosesa wendekele ngwendi, “Yove Shukulu Kalunga, sholola cizango cove, a Ulime na Tumime muli vangamba vove va kulongwa, vanu va Levi. Vaje vawesekele ku Masa, walizungile navo ku mema a ku Meliva.

Kwituluka mu Mashiko 5:6

‘Yange njapwa Kalunga Njambi yeni, uje wamitundisile mu Ingito, kuje mwakele mu vinzinda.