Myaso 81:3 - Livulu lya Shukulu Kalunga

³ Imbeni lupembo omo ngonde itenama, nameme omo ili mukati, na a litangwa lya viwano vyetu.

Myaso 81:3 Iomraidhean Croise

2 Vimyene 4:23

Co munalume wendi wamwihwile ngwendi, “Omwo vikajo ushaka kuya lelo? Lelo kesi Litangwa Lyakuhwima nambe lya Ciwano ca Kutenama Ngonde.” Co munakazi wamukumbulwile ngwendi, “Kukwesi mulonga.”

1 Mizimbu 15:16

Co Ndaviti washikile vantwama va vaLevi ngwendi, “Anguleni vavushoko vweni vaLevi vaimbe myaso nakwimba myaso yakuvwaelela a tulyalya, na vingenjo.”

1 Mizimbu 15:19

Vaka-kwimba vingenjo vya vunengu vapwile Hemane, na Asafe, na Etane.

1 Mizimbu 15:24

Co vaka-kukombelela, Shembaniya, na Njosifate, na Netanela, na Amasai, na Zekaliya, na Mbenaya, na Elyazale, vavaangwile kupwa vaka-kwimba malupembo kulutwe lwa Cikasa ca Cikumiiyo.

1 Mizimbu 16:42

Hemane, na Njendutune lalo vakele na moko ya malupembo, na vingenjo, na vyakwimbisa vikwavo vije vakele nakwimba omo vembile myaso yakulemesa. Co vanu vaka-cikota ca Njendutune vakele na moko yakunyunga ku vikolo.

1 Mizimbu 16:6

na vaka-kukombelela vavali, Mbenaya, na Njazele, vapwile vaka-kwimba malupembo simbu yoshe kulutwe lwa Cikasa ca Cikumiiyo.

1 Mizimbu 25:1

Mwene Ndaviti na vantwama va vaLevi vaangwile vikota vya vaLevi kutwamenena vipangi vyakulemesa, mazina avo, Asafe, na Hemane, na Njendutune. Vaje vakele nakwambulula vin̄anda vya Njambi, nakwimba myaso a tulyalya na a vingenjo. Ou ukewo mukana wa vanu vavaangwile kupwa vaka-kutwamenena akulemesa, ngwe a ngila ije vaangwile yakwendeselamo vipangi vije mbunga imo na imo yalingile.

2 Mizimbu 13:12

Co kengeni, Njambi vavenya ikeye wapwa ntwama yetu, na vaka-kukombelela vendi tuli navo vakevo vali na malupembo avo akwimba kashashutwiya nakutuleka ngeci tulwe neni. Yeni vanu va Isalele kesi mulwise Shukulu Kalunga Njambi ya vakukulwila veni! Kumukahyana embwe!”

2 Mizimbu 13:14

Omo vaYunda valikenukile, vamwene ngeci vanavazengeleka. Co vatambekele kuli Shukulu Kalunga ngeci avakwase, co vaka-kukombelela vembile malupembo.

2 Mizimbu 2:4

Njilinakutunga Njuvo ya Shukulu Kalunga mukusingimika Shukulu Kalunga Njambi yange. Ikeyo ikapwa mwela wakujela kuje vanu vange nange tukalemesela Shukulu Kalunga nakwenyeka insense yakunika lwengo, kuje kukekwo kutukamutwalela vin̄ombelo vya makende akujela a simbu na simbu, kuje kukekwo kutukamukombelela vin̄ombelo vya kwenyeka a mutondo a mutondo na a cingwezi a cingwezi, na a Matangwa Akuhwima, na a Viwano vya Kutenama kwa Ngonde, na a matangwa eka akujela mukusingimika Shukulu Kalunga Njambi yetu. Ikeye nashiki vaIsalele kulinga ngeci ku myaka yoshe.

2 Mizimbu 5:12

Co vaLevi voshe vaje vapwile vaka-kwimba, Asafe, na Hemane, na Njendutune, na vanu va ku vikota vyavo, vazalele vuzalo vwa linyu. Co vaLevi vemanene ku mutambela wa mu ngangela kuyehi na mutula vakwatele vingenjo, na tulyalya, amo na vaka-kukombelela vakupwa 120 vaje vakele nakwimba malupembo.

2 Mizimbu 8:13

Wakombelelele vin̄ombelo vya kwenyeka ngwe ku Lishiko lya Mosesa a litangwa na litangwa lyakujela. A Matangwa Akuhwima, na a Viwano vya Kutenama kwa Ngonde, na a viwano vitatu, na a Ciwano ca Makende Akujeneka Musima, na a Ciwano ca Kuteja, na a Ciwano ca Mapapela.

Myaso 149:3

Shangazaleni lizina lyendi nakukina, mwimbileni myaso yakumushangazala, na vingoma na tulyalya.

Myaso 33:2

Shangazaleni Shukulu Kalunga na tulyalya, mwimbileni na kalyalya ka mikole likumi.

Myaso 98:6

Imbeni malupembo na vimbinga, co tambekeni nakujolela kuli Shukulu Kalunga, mwene yetu.

Mbimbi 2:6

Wapujwile Njuvo yendi vimbazuvwila-mbazuvwila muje twakele nakumulemesela. Ikeye namanesa matangwa akujela na Matangwa Akuhwima. Mu vukalu vwendi vwakama wavyanene mwene, na muka-kukombelela.

Nahumi 1:15

Kengeni, muluwa alinakwija akamwa ya minkinda mukutunenela muzimbu wauvwa! Alinakwija mukwambulula vyakufungulula Asilya! Ngecivene, vanu va mu Yunda, lisambeni a viwano vyeni, co aneni kuli Njambi vije mwalisingile kumwana. Co vaAsilya vaje vaka-vuvi kuvakalwisa lalo lifuti lyeni. Vanavanyongesa voshe njwa!

Kulava 15:3

Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

Kulava 28:11

“Lambuleni milambu ya kwenyeka kuli Shukulu Kalunga akushangumuka kwa ngonde, vana va vingombe vavali va nkomba, na lijamba lya manga umo, na majamba a vana va vimanga vatanu na vavali va mwaka umolika, voshe vakujeneka kapenga.

Kwituluka mu Mashiko 16:15

A matangwa atanu na avali mukanyunga ciwano kuli Shukulu Kalunga Njambi yeni ku mwela uje wakaangula wakumulemesela, omwo Shukulu Kalunga Njambi yeni akamivezikisa a kuteja kweni na a vipangi vyoshe mukapanga na mavoko eni, co muvavoshe mukajolela amolika.

Kolose 2:16

Ngecivene, kesi mutave umo amishike a vije mulya nambe vije munwa nambe a matangwa akujela nambe a Ciwano ca Kutenama kwa Ngonde nambe a Litangwa Lyakuhwima.