Myaso 80:9 - Livulu lya Shukulu Kalunga

⁹ Wauvwaeselele mwela ngeci ukolelemo, co mizi yawo yaile kwisi manene, yashalavelele mu lifuti mwoshe.

Myaso 80:9 Iomraidhean Croise

2 Samwele 7:10

Njinaangwila vanu vange Isalele mutambela, co njinavakamo, muje mukemwo muvakakala, naumo wai akavayandesa lalo.

1 Vimyene 4:20

Vanu va Yunda na Isalele vapwile vavangi manene ngwe lishen̄avu lya ku cikuma ca mema a kalunga, valile na kunwa, co vavwaelelele.

1 Vimyene 4:25

Co simbu yoshe yakuyoya kwa Solomoni, mu Yunda na mu Isalele mwoshe vanu vayoyele mwamuvwa, co naanga na naanga yakele mwisi ya miti yavo ya vinyu na mwisi ya miti yavo ya mikuyu.

1 Mizimbu 21:5

Co wanenele vukaleo kuli Mwene Ndaviti vwa vungi vwa vanu voshe vaje vapandele kukovela vipangi vya vushwalale mu Isalele, vapwile 1,100,000, co mu Yunda vapwile 470,000.

Myaso 105:44

Wavanene mafuti a vanu va miyati yeka, co wavanene lalo mahya avo.

Myaso 44:3

Vanu vove kuvafungulwile lifuti lije na mikwale yavo embwe, nambe kushwana lifuti mu nzili yavo embwe, oloni eyi yapwile nzili yove na moko yove, a lizivasano lyove, nakuvamwesa ngeci yove wavazema.

Isaya 27:2

A litangwa lije Shukulu Kalunga akendeka ku citungu cendi ca vwilo ca mikolovozi ya vushuka vwa vinyu ngwendi,

Isaya 27:6

A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.

Isaya 37:31

Co vaje vakasala mu Yunda vakayoya mwamuvwa, ngwe vimena vije vitwala mizi yavyo manene mu livu, co viima vushuka.

Isaya 5:2

Waliminemo nakutundisamo mamanya, co wakunine mikolovozi ya vushuka vwa vinyu yaivwa. Co watungile kaposhi kakuvingilila, wendile mbulu yakukamwinamo vinyu. Wavandamenene vushuka vuhye, oloni vushuka vwoshe vwapwile vwakukamata.

Njelemiya 12:2

Unavakunu ngwe miti, vanamene mizi, vanakolo nakwima vushuka. Nameme vene vakevo valinakukushangazala, oloni vimbunge vyavo vili kulyala nove.

Njelemiya 2:21

Yange njakukunine kupwa mukolovozi wa vushuka vwa vinyu wauvwa, wa ku mbuto yaivwa manene. Cooni unatenguluka vatijo kupwa mukolovozi wakuvola wakujeneka seo?

Yoshwa 24:12

Yange njavauya-wuyisile omo mwakele nakuya kulutwe, co mwashekele vaje vimyene vavali va vaAmoli, co mikwale yeni na mata eni kuvyalingile cuma cimo cai.