Myaso 79:8 - Livulu lya Shukulu Kalunga

⁸ Kesi utuhise omwo ya vuvi vwa vakukulwila vetu, tuzivileko mema ku mbunge, cinyangavili cetu cinahu.

Myaso 79:8 Iomraidhean Croise

Kushangumuka 15:16

Vatekulwila vove vakeluka muno ku cisemwa camuciwana, omwo kunjikasheke vaAmoli noo vuvi vwavo vunatumu ngeci vakatambule cihiso.”

1 Vimyene 17:18

Uje fwile wendekele kuli Elinja ngwendi, “Yove munu wa Njambi, omwo vikajo unalingila eci kuli yange? Kuma yove unaija kuno mukwanukisa Njambi a vuvi vwange ngeci munange atse?”

Myaso 106:43

Visimbu vyavingi Shukulu Kalunga wavapatwile, oloni vakevo vamutengulukilile Shukulu Kalunga, nakulinga manene vuvi.

Myaso 116:6

Shukulu Kalunga akanyungu vaje voshe vanazeye, omo njakele mu vushonde, ikeye wanjamenene.

Myaso 130:3

Nga yove Shukulu Kalunga ukalava milonga yetu, co iyajo akovoka?

Myaso 142:6

Tolilila ku lilombelo lyange ngeci unjikwase omwo yange njinazeye. Njamene ku vitozi vange, omwo vali na nzili ali yange.

Myaso 21:3

Wezile kuli ikeye na vivezikiso vyavivwa, nakumuzika cilongo ca ngolinde yaivwa ku mutwe wendi.

Myaso 25:7

Njisambese ku vivi vyange na ku milonga ya a vukwenje vwange. Njanuke, Shukulu Kalunga! Omo cizemo cove cije kucesi kutenguluka na vuvwa vwove!

Kutuuka 32:34

Ololo iluka, ukatwamenene vanu nakuvatwala ku mwela uje unjakulekele. Kenga, kangelo kange ikeye akakutwamenena, oloni simbu ikaija omo yange njikanyanyamesa vanu ava a vuvi vwavo.”

Isaya 64:9

kesi uluvale manene netu embwe, nambe kesi utuyongwele vuvi vwetu ku myaka yoshe. Anuka ngwove yetu tu vanu vove, tuzivileko mema ku mbunge.

Ezekiyele 2:3

“Muna munu, njilinakukutuma kuli vanu va Isalele. Vananjitengulukila nakunjilwisa na simbu ino anga vene vananjitengulukila, ngwe muvalingile vakukulwila vavo.

Ndanyele 9:16

Yove watwamenene a simbu ya kunima, ngecivene, kesi uluvale na Yelusalema. Ikeyo yapwa nganda yove, lilundu lyove lyakujela. Vanu voshe vaje twalyata navo valinakukenga a Yelusalema na ali vanu vove omwo vuvi vwetu na vuvi vuje vuvalingile vakukulwila vetu.

Hoziya 8:13

Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.

Kwituluka mu Mashiko 28:43

“Vaka-kwija vaje valinakukala mu lifuti lyeni vakakala na nzili manene, oloni nzili yeni ikatepuluka.

Kujombolola 18:5

Omwo vuvi vwendi vunatumu vunete na mwilu, co Njambi nanuka vingila vyendi vya kupenga-penga.