Myaso 79:12 - Livulu lya Shukulu Kalunga

¹² Shukulu Kalunga hisa miyati lutanu na luvali akukushaula.

Myaso 79:12 Iomraidhean Croise

Kushangumuka 4:15

Oloni Shukulu Kalunga wamukumbulwile ngwendi, “Embwe. Woshe akatsiya Kaini, akahya lutanu na luvali kutuvakana cihiso ca Kaini akutsiya ndolome yendi.” Ngecivene, Shukulu Kalunga waakele cizivukiso ali Kaini cakunangula munu woshe uje aliwana nendi ngeci kesi amutsiye.

Myaso 44:16

ku majwi akuyeluwisa naa akushaula aje vendeka vitozi vange na vaje vanjizinda.

Myaso 74:10

Yove Njambi visimbu vingaijo, vitozi vetu vakakujola? Kuma vakatwalao kushaula lizina lyove ku myaka yoshe ndi?

Myaso 89:52

Shangazaleni Shukulu Kalunga ku myaka yoshe! Ewa! Ewa!

Visimo 6:31

oloni nga uje mwizi vanamukwata, co napande kufweta visimbu vitanu na vivali, a vyuma vije vyevile, co napande kufweta vyoshe vije vyali navyo.

Njelemiya 32:18

Ukamwesa cizemo cove cije kucesi kutenguluka ku vanu vavangi-vangi, oloni lalo ukanyanyamesa vanu a vuvi vwa visemi vavo. Yove Shukulu Kalunga, Njambi Muka-nzili yoshe.

Ezekiyele 35:12

Asinoni ukazivuka ngeci yange Kalunga, njakuzivile ulinakwendeka na kashaundu ngeci minkinda ya Isalele yapwile vingundu vyangoco, co yapwile yove ngeci uyinyongese.

Ezekiyele 36:7

Yange Kalunga wa Akamwa ya Vyoshe, njilinakulisinga na cikulaeso ngwange miyati yoshe vaje vanamizengeleka vakavazivisa shwamwa.

VaLevi 26:21

“Nga munjitengulukila nakuvyana kunjononoka, co njicikawezelelako lalo cihiso visimbu vitanu na vivali a vuvi vweni.

VaLevi 26:28

co mukuluvala kwange njikamitengulukila nakumihisa lalo visimbu vitanu na vivali a vuvi vweni kutuvakana a simbu yakulivanga.

Luka 6:38

Aneni vakweni, co Njambu akamyana. Mwa vushunga vene, mukatambula vyavingi, vukwasi vwakushemutukwa, vakavwaka mu mavoko eni, vukwasi vuje vwoshe mwasa kukwata. Seteko ije musetaka nayo vakweni, ikeyo lalo yakamiseteka nayo Njambi.”