Myaso 78:7 - Livulu lya Shukulu Kalunga

⁷ Mu ngila eyi vakevo lalo vakakulaela Njambi, kujeneka kwivala vije vyalingile, oloni simbu yoshe vakononoke mashiko endi.

Myaso 78:7 Iomraidhean Croise

Myaso 103:2

Mbunge yange ishangazale Shukulu Kalunga, co kesi wivale vivezikiso vyendi vyoshe.

Myaso 105:45

Njambi walingile vyuma evi ngeci vanu vendi vanyunge vizilika vyendi, nakwononoka lalo mashiko endi. Shangazaleni Shukulu Kalunga!

Myaso 105:5

Anukeni vizivukiso vije vyalingile Njambi nakusompa kuje kwaanene.

Myaso 146:5

Navezika munu uje ali na Njambi ya Yakomba ngeci amukwase, munu uje cinyangavili cendi cili muli Shukulu Kalunga Njambi yendi,

Myaso 40:4

Navezika munu uje akulaela kuli Shukulu Kalunga, munu uje kesi kutengulukila ku tumponya, nambe kulipandakana na vanu vaje vaka-kulemesa vinjambi va makuli.

Myaso 62:5

Kukwesi kweka kwakutewela kuvanga kuli Njambi lika, omwo cinyangavili cange citunda kuli ikeye.

Myaso 91:14

Njambi nendeka ngwendi, “Njikamena vaje voshe vanjizema, nakunyunga vaje vanjizivuka ngeci yange nji Kalunga.

1 Kolinte 11:24

wakandelelele kuli Njambi, walipazwile, co wendekele ngwendi, “Ou ukewo muvila wange uvanamyana. Lingeni eci mukunjanuka.”

Kwituluka mu Mashiko 4:9

“Nyanyameni nakulinyunga! Kesi mwivale vije mwamwene na mesho eni, kutewa vitunda mu vimbunge vyeni matangwa oshe akuyoya kweni, ngeci mukavileke vana veni na vatekulwila veni.

Kwituluka mu Mashiko 5:29

Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo.

Kwituluka mu Mashiko 6:12

Ngecivene, nyanyameni kutewa mukevale Shukulu Kalunga uje wamitundisile mu Ingito kuje yeni mwapwile mu vindungo.

Kwituluka mu Mashiko 6:21

Co mukavaleka ngweni, ‘Omwo twapwile tu vindungo kuli mwene wa Ingito, co Shukulu Kalunga watutundisile mu Ingito na livoko lyendi lya nzili.

Kwituluka mu Mashiko 6:25

Nga tupwa va kulongwa mukwononoka mashiko oshe awa anatushiki Shukulu Kalunga Njambi yetu, co cikapwa cakushungama kuli yetu.’

Kwituluka mu Mashiko 8:11

“Ngecivene, nyanyameni kutewa mukevala Shukulu Kalunga Njambi yeni a kwononoka mashiko endi, na vilongesa vyendi, na vizilika vyendi evi njimishika ku litangwa lya lelo.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

1 Yowano 5:3

Omwo cizemo cetu kuli Njambi cilumbunuka ngeci twononoke mashiko endi. Co mashiko endi kesi amakalu kuli yetu embwe,

Kujombolola 14:12

Aa akeo vene ali lukakateya kuli vanu va Njambi, vaje vanyunga mashiko a Njambi nakupwa va kulongwa kuli Yesu.