Myaso 78:69 - Livulu lya Shukulu Kalunga

⁶⁹ Watungile Njuvo yendi yakujela, nakuyipwisa yailaja ngwe munkinda, ngwe kaye kaje kaatumbika myaka yoshe.

Myaso 78:69 Iomraidhean Croise

1 Vimyene 9:8

Co eyi Njuvo ikemuka mutumbo wangoco, co munu woshe aketilako akalisimoka nakulikomokela, co akehula ngwendi, ‘Omwo vikajo Shukulu Kalunga nalingi eci ku lifuti lino na ku Njuvo eyi?’

1 Mizimbu 29:1

Mwene Ndaviti walekele mbunga yoshe ngwendi, “Munange Solomoni ikeye yanaangula Njambi, oloni ikeye acili mwanike, kesi na mana manene. Vipangi evi vilingiwa vinapu vyakama manene, omwo Njuvo eyi kesi ya vanu embwe, oloni inapu Njuvo ya Shukulu Kalunga Njambi.

1 Mizimbu 29:19

Ana munange Solomoni mbunge yakulumbunuka, ngeci anyunge vyuma vyoshe vije viwunamushiki, nakutunga Njuvo yove injinavwaesela cimweja vyuma vyakutungisa.”

2 Mizimbu 2:9

ngecivene, vanjivwaesele viti vyavingi, omwo Njuvo ya Shukulu Kalunga injinayongola kutunga ikapwa yakama yakukomokesa.

2 Mizimbu 3:4

Co mulili wakukovelela wapwile amo na Njuvo ya Shukulu Kalunga, wapwile mamita atanu na awana, akamwa wapwile mamita makumi atanu na awana. Co vivumbe vya mukati vavisalimbisile na ngolinde yaivwa.

Yombi 26:7

Njambi wajangumwine lilu lya ku kunto nakunyengelesa kaye a mukambwila.

Myaso 102:25

Ku san̄ulu yove wajalele luvula lwa asi, co melu akewo vipangi vya mavoko ove.

Myaso 104:5

Yove wajalele luvula lwa kaye ngeci kaye kesi kashengenye.

Myaso 87:1

Shukulu Kalunga watungile nganda yendi a lilundu lyakujela.

Isaya 48:13

Njatangele kaye na mavoko ange, nakujangumuna lilu. Lilu na kaye vyononoka kushika kwange kwoshe.

Isaya 51:6

Kengeni kwilu, co kengeni lalo asi, lilu likahwa vwasi ngwe vwisi, na lifuti likasanyozoka ngwe vuzalo vwalaja, co vanu vamwo voshe vakatsa ngwe vinzinzi. Oloni kwamena kwange kukapwa kwa myaka yoshe, kuhyana kwange kukapwa kwa myaka yoshe.

Kujombolola 20:11

Co njamwene litanda lyakama lyakutoka na uje watumbameneo. Kaye na lilu vyatewele ku mesho endi, co kuvavimwene lalo.

1 Samwele 2:8

“Ikeye atundisa tuutu mu likungu, co avakwasa mukujeneka kwavo. Akavapwisa vasamba va vimyene akavaka mu myela ya kasingimiko. Luvula lwa kaye lwapwa lwa Shukulu Kalunga, akeo natungila kaye.