Myaso 78:58 - Livulu lya Shukulu Kalunga

⁵⁸ Vamuluvalesele na malundu avo akulemesela, co vamuzivisile lifuwa na tumponya twavo twakushonga.

Myaso 78:58 Iomraidhean Croise

1 Vimyene 11:10

co wamushikile a cuma eci vene, ngeci kapandele kukava vinjambi veka lalo embwe, oloni Solomoni kombileko mbunge ku vije vyamushikile Shukulu Kalunga.

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

1 Vimyene 12:31

Co Yelovowame lalo watungile myela yakulemesela akamwa ya malundu, waangwile vaka-kukombelela va ku vanu veka kesi va ku muyati wa vaLevi.

2 Vimyene 17:9

VaIsalele valingile vyuma vije kashakele Shukulu Kalunga Njambi yavo. Vatungile mitambela yakulemesela vaka-kujeneka kukulaela mu vinganda vyavo vyoshe, kushangumuka ku limbo lyalindondo, kweta na ku nganda yakama.

2 Vimyene 21:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Shukulu Kalunga kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela muje vakalemesela lizina lyange ku myaka yoshe.

2 Mizimbu 21:11

Co mu Yunda na mu mafuti a malundu watungililemo myela yakulemesela vinjambi va vaka-kujeneka kukulaela, co watwamenenene vanu va mu Yunda na vanu va mu Yelusalema kulinga vuvi ku mesho a Shukulu Kalunga.

Myaso 79:5

Visimbu vingaijo ukaluvala netu yove Shukulu Kalunga? Kuma ukaluvala ku myaka yoshe ndi? Kuma lifuwa lyove likashwama ngwe tuhya ndi?

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Kutuuka 34:14

“Ngecivene, kesi mukalemese njambi weka lalo, omwo yange Kalunga, njapwa Njambi wa lifuwa.

Njelemiya 8:19

Tolilileni! Mu lifuti mwoshe njilinakuziva kulila kwa vanu vange ngwavo, “Kuma Shukulu Kalunga waimo mu Siyone ndi? Kuma mwene wa mu Siyone waimo ndi?” Shukulu Kalunga mwene yavo nakumbulula ngwendi, “Omwo vikajo munanjiluvalesa akulemesa tumponya tweni nakutsikamena vinjambi vakujeneka seo?”

Hoziya 13:2

Oloni vacili nakutwalao kulinga vuvi, akulinga vifwa vya vutale nakuvilemesa, tumponya otu twa siliva vanatulingi na mana a vanu, na mavoko a vanu. Asinoni vendeka ngwavo, “Tukombeleleni n̄ombelo kuli vakevo!” Vatijo vanu vasa kukandelela kamponya, kamponya uje wa cifwa ca ngombe!

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Kulava 33:52

munapande kushekamo voshe vaje vatungamo, nakunyongesa tumponya twavo twa mamanya, na vikuvo, nakusiwula mitula ije ivakalemesela.

1 Kolinte 10:22

Kuma tushaka kulingisa Mwene lifuwa ndi? Kuma tuyongola ngwetu tuli na nzili kutuvakana ikeye ndi?

Kwituluka mu Mashiko 12:2

Mu lifuti lije limukashwana mukanyongesa myela yoshe ije vakalemesela vanu vinjambi vavo a minkinda, na a malundu, na mu minzinze ya miti.

Kwituluka mu Mashiko 12:4

“Kesi mukalemese Shukulu Kalunga Njambi yeni mu ngila eyi ivalinakulemesa nayo vanu ava vinjambi vavo.

Kwituluka mu Mashiko 27:15

“ ‘Cisingo ca Njambi cikale ali munu woshe uje ashonga kamponya ka limanya, nambe ka citi, nambe ka cikuvo, nakukalemesela mu vushweke, cuma eci cinapu ca vunyengwe kuli Shukulu Kalunga.’ “Co vanu voshe vakakumbulula ngwavo, ‘Ewa!’

Kwituluka mu Mashiko 32:21

Vananjiluvalesa na tumponya twavo, nakunjilingisa lifuwa na vinjambi vavo va makuli, vinjambi vaje kesi vinjambi va vushunga embwe. Ngecivene, njikashangumwina vaIsalele muyati wa vanu veka ngeci vavaluvalese, co njikavashangumwina lifuwa na muyati wa vulema.

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 2:17

Oloni vaIsalele anga kuvatolililile kuli maako vavo embwe. VaIsalele vajenekele kulongwa kuli Shukulu Kalunga, co valemesele vinjambi veka. Vatangukile vwasi mu ngila ije vendele vakukulwila vavo, ngila yakwononoka mashiko a Shukulu Kalunga.

Maako 2:20

Ngecivene, Shukulu Kalunga waluvalele manene na vaIsalele nakwendeka ngwendi, “Omwo muyati wa vanu ava vanapokola cikumiiyo cije njalikumiiye na vakukulwila vavo, co vakevo kuvanjononokele,

Maako 3:19

Oloni Ehunde omo wetele ku mamanya akushonga aje akele kuyehi na Ngilingale, co welukile kunima kuli Engilone wendekele ngwendi, “Shukulu, njili na lijwi lya mu vushweke nove.” Ngecivene, mwene washikile vangamba vendi ngwendi, “Tusezeni etu lika!” Co voshe vatuukilemo.