Myaso 78:55 - Livulu lya Shukulu Kalunga

⁵⁵ Ikeye washekelemo vavenya lifuti omo vanu vendi vakele nakuya kulutwe, co wapangezelele lifuti lyavo akati ka miyati ya Isalele, nakwana membo avo ku vanu vendi.

Myaso 78:55 Iomraidhean Croise

Myaso 44:2

Yove washekelemo vaka-kujeneka kukulaela kuli yove Shukulu Kalunga, co waakele vanu vove mu lifuti lyavo, yove wahisile miyati ikwavo lalo, co wakongweyeye vove.

Myaso 44:3

Vanu vove kuvafungulwile lifuti lije na mikwale yavo embwe, nambe kushwana lifuti mu nzili yavo embwe, oloni eyi yapwile nzili yove na moko yove, a lizivasano lyove, nakuvamwesa ngeci yove wavazema.

Isaya 34:17

Shukulu Kalunga ikeye akaangununa lifuti akati kavo nakwana mutambela walyo ku umo na umo. Vakakalamo myaka yoshe, co likapwa lifuti lyavo ku myaka yoshe.

Kulava 33:54

Co mukashwana lifuti nakulipangelalyo akati ka miyati yeni na vikota vyeni akuta n̄ela, mukaana mutambela wakama kuli vaje vavangi, na mutambela waundondo kuli vaje vavandondo.

Yoshwa 13:7

Ngecivene, ololo, pangezela lifuti eli akati ka miyati ije yasaleleo, itanu na iwana na litambelo lya muyati wa Manase, ngeci lipwe vushwana vwavo.”

Yoshwa 19:51

Co Elyazale muka-kukombelela, na Yoshwa muna Nune, na vantwama va vikota vya miyati ya Isalele vaanene mitambela eyi ya livu mukwihula kuli Shukulu Kalunga akuta n̄ela ku Shilo, valingile vyoshe evi ku cikolo ca Mbalaka Mwakuliwanena. Co mu ngila eyi vamanesele kupangezela livu.

Yoshwa 21:43

Ngecivene, Shukulu Kalunga waanene vaIsalele livu lyoshe lije lyalikumiiye na vakukulwila vavo ngeci akavanalyo. Omo valitambwile, co vatungilemo.

Yoshwa 23:4

Njinaana vushwana ku miyati yeni livu lya miyati ije inasalako, amo neli lya miyati yoshe ije injinafungulula, kutunda ku Ndonga ya Yondau mu ngangela kweta ku Lishali lya Menditelenyani mu kangombe ka yambi.