Myaso 78:19 - Livulu lya Shukulu Kalunga

¹⁹ Vayeluwisile Njambi nakwendeka ngwavo, “Kuma Njambi asa kutuwanena vyakulya mu mambo ndi?

Myaso 78:19 Iomraidhean Croise

2 Vimyene 7:2

Co uje katumwa ka mwene wendekele kuli Elisha ngwendi, “Eci kucikalingiwa embwe, nameme vene nga Shukulu Kalunga atuma nyonzi yakama a simbu ino!” Co Elisha wamukumbulwile ngwendi, “Ukacimona omo cikalingiwa, oloni yove kuukaliko vimo ku vyakulya vije.”

2 Mizimbu 32:19

Vendekele ali Njambi wa Yelusalema ngwe muje muvakendeka na vinjambi va miyati ya vanu va ano asi, vaje vakushonga na mavoko a vanu.

Yombi 34:37

Co ku vuvi vwendi alinakukumbasanako kutengulukila, ku mesho etu voshe, ikeye alinakushendumuna Njambi.”

Myaso 23:5

Unanjivwaesela mesa ku mesho a vitozi vange, unanjana vivezikiso ngwe munu uje ivanavwavesa.

Kutuuka 16:3

co vendekele kuli vakevo ngwavo, “Nga Shukulu Kalunga watutsiilile mu Ingito na livoko lyendi! Kuje twatumbamene ku vindeo vya situ nakulya vyakulya vyakukuta ngwe mutunashakela. Oloni yeni munatunene muno mu mambo mukututsisa ku njala, yetu voshe.”

Kulava 11:13

Kulijo njasa kuwana situ yakwana kuli vanu voshe ava? Omwo valinakulinyenyetela kuli yange ngwavo twane situ ngeci tulye.

Kulava 11:4

Co kwakele vanu vamo veka vaje vendele amo na vanu va Isalele. Vakevo vashungwiiye kulya situ, co vanu va Isalele navo vashangumukile kulinyenyeta ngwavo, “Tawe! Nga kutwawanako situ tai tulye!

Kulava 20:3

Vanu valinyenyetelele kuli Mosesa vendekele ngwavo, “Mwamuvwa vene nga netu twatsililile kulutwe lwa Mbalaka ya Shukulu Kalunga ngwe muje vatsile vavushoko vwetu va Isalele!

Kulava 21:5

co valinyenyetele nakutengulukila Njambi na Mosesa ngwavo, “Vikajo mwatutundisilile mu Ingito ngeci tutsile muno mu mambo? Omwo muno kumwesi vyakulya nambe mema ayi. Yetu tunenukwa na vyakulya vy acifwa cangacije!”

Loma 9:20

Oloni yove iyajo, musamba wange, ulikumbulule na Njambi? Ndeo ya vuma kuyasa kwihula munu uje waishongele ngwayo, “Omwo vikajo wanjimungila ngacije?”

Kujombolola 13:6

Co washangumukile kushaula Njambi na lizina lyendi na mutambela kuje kwakala na voshe vaje vakala mwilu.