Myaso 77:13 - Livulu lya Shukulu Kalunga

¹³ Vyuma vyoshe viwukalingi yove Njambi vyapwa vyakujela! Njambi mukajo lalo wakama wakuhyana yove Njambi yetu?

Myaso 77:13 Iomraidhean Croise

Myaso 105:2

Imbeni nakushangazala Shukulu Kalunga, ambululeni vyuma vyoshe vyakukomokesa vije vyanalingi!

Myaso 119:27

Njikwase kuzivuka mashiko ove, co njikayongola a vipangi vyove vyakukomokesa.

Myaso 27:4

Njehwile Shukulu Kalunga cuma cimolika, cuma cimolika cinjishaka, kukala mu Njuvo ya Shukulu Kalunga simbu yoshe ya mwonyo wange, ngeci njimone vuvwa vwendi, nakumulomba ngeci anjitwamenene.

Myaso 63:2

Njamwene nzili yove na vumpau vwove, mu Njuvo yove yakujela.

Myaso 68:25

Vaka-kwimba vakele kulutwe, co vaka-kwimba na vyuma vyakwimbisa vakele munima, mukati kavo mwakele vambanda vaje vaimbile tumbulumbumba.

Myaso 71:19

Vushunga vwove yove Njambi, vunete mwilu ya melu. Yove Njambi unalingi vyuma vyakama, naumo wai nalifu nove.

Myaso 73:17

noo njakovelele mu Njuvo yove, asinoni njazivisisile vije vikalingiwa ku vaka-vuvi.

Myaso 86:8

Kukwesi weka lalo wakulifwa nove akati ka vinjambi yove Shukulu, kukwesi vipangi vyakulifwa nevi vyove.

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Isaya 40:18

Iyajo alyeseka na Njambi? Cifwa mukajo mukamusetekesa naco?

Isaya 40:25

Njambi wakujela mwasa kumusetekesa neyajo? Kuma kwali umo wakulifwa nendi ndi?

Isaya 46:5

Shukulu Kalunga alinakwendeka ngwendi, ‘Iyajo nalyeseka nange? Kuma kwali weka wakulifwa nange ndi?

Kwituluka mu Mashiko 32:31

Vitozi vavo vazivukile ngeci vinjambi vavo vapwa vakuzeya, kuvesi na nzili ngwe Njambi ya Isalele.