Myaso 76:6 - Livulu lya Shukulu Kalunga

⁶ Omo yove Njambi ya Yakomba waluvalele, co tuvalu na vaka-kulondao vawile na kutsa.

Myaso 76:6 Iomraidhean Croise

2 Samwele 10:18

co vaIsalele vashekele mbunga ya mashwalale va vaSilya. Co Ndaviti na vanu vendi vatsiile vanu 7,000 vaka-kwendesa matemba a vaSilya, na vanu 40,000 vaka-kwendela a tuvalu, co vavetwesele Shovake, muka-kushika mashwalale, watsililile kuje vakele nakulwila.

2 Vimyene 19:35

Co vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

2 Mizimbu 32:21

Co Shukulu Kalunga watumine kangelo uje wakatsiile mashwalale na vamyata va mbunga ya mashwalale vaAsilya. Ngecivene, mwene welukile na shwamwa ku lifuti lyendi. Co litangwa limo omo wakele mu njuvo ya njambi yendi, vana vendi va vanalume vamutsiile na mikwale yavo.

Myaso 104:7

Omwo waluvalele mema atewele omo azivile kushika kwove kwa nzili, co aitile vwasi.

Myaso 18:15

Kwisi ya mema a kalunga kwasholokele, co luvula lwa kaye lwafukukile omo wakandele vitozi vove, yove Shukulu Kalunga, waluvalele nakwaana ngwe ndumba.

Myaso 80:16

Vitozi vetu vanautete, vanawenyeka na tuhya, vamwese vukalu vwove nakuvanyongesa!

Kutuuka 15:1

Asinoni Mosesa na vaIsalele vembile mwaso ou kuli Shukulu Kalunga ngwavo, “Njikembila kuli Shukulu Kalunga, omwo ikeye nahyana na nzili. Nombila tuvalu na vaka-kulondao mu mema a kalunga.

Kutuuka 15:10

Yove Shukulu Kalunga wahuwisile lihunzi lyove, co mema a kalunga avafwikile, vaselyamene ngwe shumbu mu mema akukomokesa.

Kutuuka 15:21

Milyamu wavembilile mwaso ngwendi, “Mwimbileni Shukulu Kalunga, omwo ikeye nahyana na nzili, ikeye nombila tuvalu na vaka-kulondao mu mema a kalunga.”

Isaya 37:36

Co a vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

Njelemiya 51:39

Vali na nuna ndi? Njikavavwaesela ciwano nakuvapendesa nakuvavwaelelesa. Vakalala, co kuvakenduka lalo.

Njelemiya 51:57

Njikapendesa vaka-kushwana vamwo, na vanalume va mana, na vantwama, na mashwalale. Vakalala, co kuvakenduka lalo. Yange mwene, njinendekamo, yange Kalunga Muka-nzili yoshe.

Ezekiyele 39:20

Vakalya ku mesa yange ngwe muvanasela, vakalya tuvalu na vaka-kulondao na mashwalale, na vanalume vaka-kulwa. Munjinendeka yange Kalunga wa Akamwa ya Vyoshe.”

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Nahumi 2:13

Shukulu Kalunga Muka-nzili yoshe alinakwendeka ngwendi, “Yange nji citozi ceni! Njikenyeka matemba eni. Mashwalale veni vakavatsiila mu nzita, co njikambata vyuma vyoshe vije vimwambatele kuli vakweni. Co majwi a miluwa veni kuvakawazivi lalo.

Nahumi 3:18

Mwene wa Asilya, vanguvulu vove na vanu vove va kasingimiko vanatsi! Vanu vove vanashandokela a munkinda, co naumo wai avelwisa lalo kwimbo.

Zakaliya 12:4

A simbu ije njikayiya-yiisa tuvalu twavo twoshe, co vaka-kulondao voshe vakapwa viyambangani. Njikanyunga vanu va mu Yunda, oloni njikatsitsivalesa mesho a tuvalu twa vitozi vavo.

1 Samwele 26:12

Ngecivene, Ndaviti wambatele likunga, na njava ya mema ku mitwe ya Saulu, co ikeye, na Avishai vaile. Naumo wai wavamwene nameme kuvazivuka, co naumo wai watonene, voshe valalele tulo, omwo Shukulu Kalunga watumine tulo twakama ali vakevo voshe.