Myaso 74:9 - Livulu lya Shukulu Kalunga

⁹ Vizivukiso vyetu vyoshe vyakujela vinahu, co lalo kukwesi vaka-kwimanena vanasalako, naumo wai lalo azivuka simbu ije cuma eci cikahwa.

Myaso 74:9 Iomraidhean Croise

Kutuuka 12:13

Maninga aa vipamba anapu cizivukiso ca cimweso mu vinjuvo evi mulinakukala. Omo njikamonao maninga, co njikamijomboka, kunjikamivulumuna omo njikahisa vaka-Ingito.

Mbimbi 2:9

Vikolo vinanyongo mu livu, mikambo yavyo yoshe inatsenozoka. Mwene na vanu va vulemu ololo vali mu vunzinda. Ololo naumo wai lalo alongesa mashiko, co vaka-kwimanena kuvesi na vimona lalo vyakutunda kuli Shukulu Kalunga.

Ezekiyele 20:12

Njavanene kunyunga Litangwa Lyakuhwima kupwa cimweso ca cikumiiyo akati ketu, mukuvanukisa ngeci yange njapwa Kalunga, muka-kuvajelesa.

Ezekiyele 7:26

Tuyando twakama tukalikavasana, co muzimbu wauvi ukakavasana ukwavo. Mukalomba vaka-kwimanena ngeci vamijombolwela vya kulutwe. Vaka-kakukombelela cuma nacimo cai civakalongesa vanu, co vakulunu cuma nacimo cai civakanangula.

Amose 8:11

“Simbu ikaija omo njikatuma njala ya lyangengela mu lifuti. Vanu vakakala na njala, oloni kesi njala ya vyakulya, vakaziva lihwila, oloni kesi lihwila lya mema. Vakakala na njala na lihwila vya lijwi lya Shukulu Kalunga. Yange Kalunga wa Akamwa ya Vyoshe, njinendekamo.

Mika 3:6

Vaka-kwimanena, litangwa lyeni ololo lihwa, litangwa lilinakumitokela. Omwo mulinakutanganesa vanu vange, co kumukakala na vimona vya vuka-kwimanena, co kumukasa kuumikiya cuma cai.

Mika 3:7

Vaje vakomikiya vya kulutwe vakashauka akwonwa kumona vivomikiiye. Voshe vakavaya omwo Njambi kakavakumbulula.

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.

Maako 6:17

Ngilyone wamukumbulwile ngwendi, “Nga ololo njinawana kutetela ku mesho ove, njaneko cizivukiso cimo nga mwa vushunga unapu u Shukulu Kalunga ou alinakwendeka nange.

1 Samwele 3:1

A matangwa aje, omo mwanike Samwele wakele nakupangela Shukulu Kalunga mwisi ya Eli, majwi kuli Shukulu Kalunga apwile lika amandondo, co vimona vyakutunda kuli ikeye kuvyatumine.