Myaso 74:20 - Livulu lya Shukulu Kalunga

²⁰ Anuka cikumiiyo cije walikumiiye netu, omwo ku mitambela yoshe ya ano asi kuli lwozi.

Myaso 74:20 Iomraidhean Croise

2 Samwele 23:5

Omu mukemwo mwakavezikisila Njambi vatekulwila vange, omwo nalikumiiya nange cikumiiyo kucesi kuhwa, na lizivasano lije kulyesi kuhwa, na cikulaeso cije kucesi kutenguluka. Evi vyoshe vikevyo vinjishaka, kuje kukekwo kukapwa kuhyana kwange, mwa vushunga Njambi akavisholola.

Myaso 105:8

Ikeye akanyungu cikumiiyo cendi ku myaka yoshe, na cikulaeso cendi ku visemwa vyakupwa 1,000.

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Myaso 5:8

Shukulu Kalunga, njitwamenene mu vushunga vwove, omwo ya vitozi vange, njishungamesele ngila yove ngeci njiikavangeye!

Myaso 89:28

Cizemo cange cije kucesi kutenguluka cikakala nendi ku myaka yoshe, cikumiiyo cange cikapwa cakukola kuli ikeye.

Myaso 89:39

Unapokola cikumiiyo cove na ngamba yove, co unanyongesa vumwene vwendi njwa.

Njelemiya 14:21

Anuka vikulaeso vyove, co kesi utuyeluwise, kesi uzivise shwamwa Yelusalema mwela uje wa litanda lyove lya vumpau. Kesi upokole cikumiiyo cije walikumiiye netu.

Kwituluka mu Mashiko 12:31

Kesi mukalemese Shukulu Kalunga Njambi yeni mu cifwa cije vakalemesa naco vinjambi vavo embwe. Omwo valemesa vinjambi vavo, vakalingi vyuma vya vunyengwe vije vyazinda Shukulu Kalunga. Vakevo vakakombelela mu tuhya kuli vinjambi vavo nameme vana vavo va vanalume nambe vana vavo va vanakazi.

Kwituluka mu Mashiko 9:27

Anuka vangamba vove, va Avilahama, na Isake, na Yakomba, kesi ukenge kukukaluwa kwa vimbunge vya vanu ava, nambe ku kupenga-penga kwavo, nambe ku vuvi vwavo embwe.

VaHevelu 8:10

Co kengeni, eci cikeco cikumiiyo njikalinga ololo kuli vanu va Isalele munima ya matangwa aje. Njikaka mashiko ange mu mana avo, co njikawasoneka mu vimbunge vyavo. Ngeci njikapwe nji Njambi yavo, co vakevo vakapwe vanu vange.