Myaso 73:27 - Livulu lya Shukulu Kalunga

²⁷ Mwa vushunga vene vanu vaje vakuvyana vakanyonga, co ukanyongesa voshe vaje kuvakulaela kuli yove.

Myaso 73:27 Iomraidhean Croise

1 Mizimbu 10:13

Saulu watsile omwo kakulaelele kuli Shukulu Kalunga. Ikeye kononokele kushika kwa Shukulu Kalunga, ikeye wesekele kuwana kunangula akwihula ku minzinzime ya vaka-kutsa,

Esita 9:30

Mukanda ou vausonekelele vaYunda voshe, co uje mukanda vaunungulwile mu vungi nakutuma ije mikanda ku mafuti oshe aje apwile 127 a vumwene vwa Pelesha. Vashakele ngeci vaYunda vakale mu kwoloka na mu vuvwa,

Myaso 106:39

Valiviisile na vilinga vyavo evi, co kuvapwile va kulongwa kuli Njambi.

Myaso 119:155

Vaka-vuvi kuvawana kwamena, omwo kuvesi kwononoka mashiko ove.

Kutuuka 34:15

Co kesi mukalizivasane na vanu va mu lifuti lije omo valemesa vinjambi vavo nakuvakombelela, kutewa vakamilanya ngeci mukalikumbasane navo, co vakamyeseka mukalye ku vyakulya vanakombelela ku vinjambi vavo.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Njelemiya 12:2

Unavakunu ngwe miti, vanamene mizi, vanakolo nakwima vushuka. Nameme vene vakevo valinakukushangazala, oloni vimbunge vyavo vili kulyala nove.

Njelemiya 17:13

Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Kulava 15:39

Vinzombo evi vikevyo vikamyanukisa mashiko ange oshe, co mukawononoka, kumukatengulukila lalo kweka kutunda kuli yange nakukava vizango vyeni na mashungu eni.

Efeso 2:13

Oloni ololo muli Kilistu Yesu, yeni mwakele kulyala, vanaminena kuyehi a maninga a Kilistu.

Efeso 2:17

Ngecivene, Kilistu wezile nakwambulula Vin̄anda Vyavivwa vya kwoloka kuli voshe, kuli yeni kesi vaYunda, vaje vakele kulyala na Njambi na kuli vaYunda vaje vakele muyehi nendi.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.