Myaso 73:24 - Livulu lya Shukulu Kalunga

²⁴ Yove unjitwamenena na mana ove, co akukotoka ukanjitambula na kasingimiko.

Myaso 73:24 Iomraidhean Croise

Myaso 16:7

Njikushangazala yove Shukulu Kalunga, omo unanjana mana. Nameme simbu ya vutsiki mbunge yange injinangula.

Myaso 25:9

Ikeye akatwamenena muka-kulikeesa mu ngila yaivwa nakumulongesa cizango cendi.

Myaso 32:8

Shukulu Kalunga nendeka ngwendi, “Njikakulongesa ngila ije iwunapande kwendelamo, co njikakulongesa nakukunangula.

Myaso 48:14

“Ou Njambi wapwa Njambi yetu ku myaka yoshe, akatutwamenena ku visimbu vyoshe.”

Myaso 49:15

Oloni Njambi akanjamena, akanjamena ku nzili ya kutsa.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Visimo 8:20

Njikende mu ngila ya vushunga, nakukava vingila vyakushungama,

Isaya 30:21

Nga mutengulukila ku cilyo nambe ku cimoshwe, co mukaziva lijwi lyendi ngwalyo, “Ngila eyi yenimo.”

Isaya 48:17

Njambi wakujela wa Isalele, Shukulu Kalunga muka-kumyamena alinakwendeka ngwendi, “Yange Kalunga Njambi yeni, uje amilongesa vyuma vyavivwa, nakumitwamenena mu ngila yaivwa muje mumunapande kuya.

Isaya 58:11

Co simbu yoshe njikamitwamenena nakumyana vyuma vyavivwa. Njikaminyunga mwamuvwa nakumitakamesa. Mukafwa ngwe lihya lije lili na mema amangi, ngwe lisima lya mema a kavwelu-vwelu lije kulyesi kuma cau.

Isaya 58:8

“Asinoni ceke cange cikamitwila ngwe litangwa omo lituuka ku mutondo, co mukakanguka vwasi. Simbu yoshe njikakala neni nakumyamena, co vumpau vwange vukaminyunga ku mitambela yoshe.

Kulava 9:22

Nameme lishelwa lyakeleo matangwa avali, nambe ngonde, nambe mwaka, nambe simbu yakama, vanu va Isalele anga vatumbamene mu cilombo, kuvajalukilemo. Oloni omo lishelwa lyatundileo, co vajalukilemo.

Luka 11:13

Inonwa yeni vaka-vuvi muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana Munzinzime Wakujela kuli vaje vamulomba ndi?”

Luka 23:46

Yesu watambekele na lijwi lyakama ngwendi, “Tate! Njikundika munzinzime wange mu mavoko ove.” Omo wamanesele kwendeka ngeci, co watulile mwonyo wendi.

Yowano 14:3

Co omo njinayi nakumivwaesela kwakukala, njikeluka lalo nakumizila ngecivene, mukakale kuje kunjikakala yange.

Yowano 16:13

Omo Munzinzime akaija, uje akasholola vushunga vwa Njambi, akamitwamenena mu vushunga vwoshe. Omwo kakendeka mu nzili yendi embwe, oloni akendeka vije aziva nakumileka vyuma vikaija kulutwe.

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Yowano 17:5

Ove Tate! Njane vumpau ku mesho ove ololo, vumpau vuje njakele navwo amo nove simbu kanda utange kaye.

Vilinga vya Miluwa 7:59

Co vakele nakwasha mamanya Setefano omo wakele nakulombela ngwendi, “Mwene Yesu tambula munzinzime wange!”

2 Kolinte 5:1

Omwo tunazivuka ngwetu omo mbalaka yetu ya muvila wa ano asi omu tulinakuyoyela nga inasiwuka, Njambi akatwana njuvo mwilu mutukayoyela, njuvo ije yanatungu ikeye vavenya ije ikakala myaka yoshe.

Kwituluka mu Mashiko 18:2

Kuvakakala na vushwana akati ka vandolome vavo embwe. Shukulu Kalunga ikeye vushwana vwavo ngwe mwavakulaesele.

Yakomba 1:5

Oloni nga kuli umo weni najeneka mana, alombe kuli Njambi, uje akamwanawo, omwo Njambi akana kuli vanu voshe nakushemutuka na kutetela.