Myaso 72:8 - Livulu lya Shukulu Kalunga

⁸ Vumwene vwendi vukashangumukila ku mema a kalunga, vuketa na ku mema a kalunga akwavo. Vumwene vwendi vukatunda ku Ndonga ya Yufuleti nakweta ku shongo ya kaye.

Myaso 72:8 Iomraidhean Croise

1 Vimyene 5:1

Mwene Hilame wa ku Tile simbu yoshe wapwile musamba wa Ndaviti, co omo wazivile ngeci Solomoni nashwana a litanda lya ishe Ndaviti kupwa mwene, Hilame watumineko vaka-kwimanena lifuti lyendi.

Myaso 2:8

Njilombe, co njikakwana miyati yoshe kupwa vushwana vwove, co kaye koshe kakapwa vufuko vwove.

Myaso 80:11

Minango yawo yashalavele kweta ku Lishali lya Menditelenyani, nakweta lalo ku Ndonga ya Yufuleti.

Myaso 89:25

Co njikaamesa vumwene vwendi, kutunda ku Lishali lya Menditelenyani nakweta ku Ndonga ya Yufuleti.

Myaso 89:36

Vatekulwila vendi vakashwana simbu yoshe, co vumwene vwendi vukakala simbu yoshe ngwe litangwa.

Kutuuka 23:31

Co njikatwa vinginga vya lifuti lyeni nakuvyamesa kutunda ku Linema lya Akava kutwala ku Lishali lya Menditelenyani, nakutunda ku mambo nakweta ku Ndonga ya Yufuleti. Co njikamyana moko akamwa yavavenya lifuti lije, mukavashekamo nakuvatundisamo omo mukaya kulutwe.

Zakaliya 9:10

Shukulu Kalunga alinakwendeka ngwendi, “Njikatundisa matemba a nzita mu Isalele, nakutundisa tuvalu mu Yelusalema, mata a lusipa aje vapangesele mu nzita njikaanyongesa. Mwene yeni akanena kwoloka akati ka miyati ya vanu, ikeye akashwana kutunda ku mema a kalunga amo nakweta ku mema a kalunga akwavo, kutunda ku Ndonga ya Yufuleti nakweta ku shongo ya ano asi oshe.”

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”