Myaso 72:7 - Livulu lya Shukulu Kalunga

⁷ Mwene alinge vushunga na vanu voshe, kukale kwoloka simbu yoshe noo ngonde inatsi.

Myaso 72:7 Iomraidhean Croise

1 Vimyene 4:25

Co simbu yoshe yakuyoya kwa Solomoni, mu Yunda na mu Isalele mwoshe vanu vayoyele mwamuvwa, co naanga na naanga yakele mwisi ya miti yavo ya vinyu na mwisi ya miti yavo ya mikuyu.

1 Vimyene 5:4

Oloni ololo Shukulu Kalunga Njambi yange nanjana kwoloka ku vinginga vyange vyoshe. Kunjesi na vitozi, co lalo kukwesi vushonde vwakulwa.

Myaso 92:12

Vaka-vushunga vakavezika ngwe miti ya mashakavale, co vakola ngwe miti ya kendale ya ku Lembanone.

Isaya 2:4

Ikeye akasompa vin̄anda akati ka miyati yakama. Vakafula mikwale yavo kuyipwisa matemo, co makunga avo vakaapwisa vimoko vyakunongesa minango ya miti. Miyati ya vanu kuvakalilwisa umo na mukwavo lalo na vimoko vya mikwale, co kuvakalivwaesela lalo kulwa nzita embwe.

Isaya 60:1

Induka, Yelusalema, vyazima ngwe litangwa, omwo ceke cove cinaija, na vumpau vwa Shukulu Kalunga vulinakuvyazima ali yove!

Isaya 60:22

Nameme naanga yove yaindondo na kulikeesa, oloni vakapwa muyati wakama wa nzili. Omo simbu ikaija, yange Kalunga njikalinga vyuma evi vwasi-vwasi!”

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Zakaliya 9:10

Shukulu Kalunga alinakwendeka ngwendi, “Njikatundisa matemba a nzita mu Isalele, nakutundisa tuvalu mu Yelusalema, mata a lusipa aje vapangesele mu nzita njikaanyongesa. Mwene yeni akanena kwoloka akati ka miyati ya vanu, ikeye akashwana kutunda ku mema a kalunga amo nakweta ku mema a kalunga akwavo, kutunda ku Ndonga ya Yufuleti nakweta ku shongo ya ano asi oshe.”

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Luka 1:33

co akashwana vatekulwila va Yakomba ku myaka yoshe, na vumwene vwendi kuvukahu!”

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Vilinga vya Miluwa 4:32

Mbunga ya vaka-kukulaela vakele na mbunge imolika na viyongola vimolika, naumo wai watumbwile vyuma vyendi vije vyafukile kupwa vyendi, oloni valipangezelele vyoshe vyavo vije vivakele navyo.