Myaso 72:17 - Livulu lya Shukulu Kalunga

¹⁷ Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Myaso 72:17 Iomraidhean Croise

Kushangumuka 12:3

Njikavezikisa vaje vakakuvezikisa, oloni njikasinga vaje vakakusinga. Co muli yove njikavezikisilamo miyati yoshe.”

Kushangumuka 22:18

Muli vatekulwila vove miyati yoshe ya asi ikavezika, omwo yove unononoka kushika kwange.”

2 Samwele 7:13

Ikeye akanjitungila njuvo, co njikakolesa litanda lya vumwene vwendi.

2 Samwele 7:16

Simbu yoshe ukakala na vatekulwila, co vumwene vwove vukakala simbu yoshe. Co simbu yoshe litanda lyove likakola ngo!’ ”

1 Mizimbu 17:12

Ikeye akanjitungila njuvo, co njikakolesa litanda lya vumwene vwendi ku myaka yoshe.

Myaso 21:7

Omwo mwene nakulaela kuli Shukulu Kalunga Muka-nzili yoshe, co omwo a cizemo cove cije kucesi kutenguluka, kakapelyangela embwe.

Myaso 45:17

Njikatsimanesa lizina lyove ku cisemwa coshe, ngecivene, vanu voshe vakakulemesa ku myaka yoshe.

Myaso 89:36

Vatekulwila vendi vakashwana simbu yoshe, co vumwene vwendi vukakala simbu yoshe ngwe litangwa.

Kutuuka 3:15

Njambi wendekele lalo kuli Mosesa ngwendi, “Endeka kuli vaIsalele ngwove, ‘Yange Kalunga, Njambi ya vakukulwila veni, ikeye Njambi ya Avilahama, na Isake, na Yakomba, ikeye nanjitumu kuli yeni.’ Eli likelyo likapwa lizina lyange ku myaka yoshe, omu mukemwo muvakanjitumbula ku visemwa vyoshe vikaija kulutwe.

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Njelemiya 4:2

cikapwa ca vushunga kulisinga mu lizina lyange. Asinoni miyati ya vanu voshe vakanjilomba ngeci njivavezikise, co vakanjishangazala.”

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Luka 1:48

omwo nanuka yange ngamba yendi wamundondo! Kutunda ololo nakuya kulutwe, vanu voshe vakanjitumbula ngwavo njimuka-kuvezika,

Vilinga vya Miluwa 3:16

Co yapwile nzili ya lizina lyendi ikeyo inakangwisa munu ou. Evi vimunamono nevi vimunazivuka vinalingiwa akukulaela mu lizina lyendi, kukulaela kuli Yesu kukekwo kunamukangwisa, ngwe mumunamono yeni voshe.

Ngalatiya 3:14

Kilistu walingile eci ngeci vivezikiso vya Njambi vyakulaesele kuli Avilahama vavyane kuli vaje kesi vaYunda ali Kilistu Yesu, ngeci akukulaela tutambule Munzinzime uje watukulaesele Njambi.

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.

Efeso 3:14

Omwo a cuma eci, njilinakutsikama a mavuli ange ku mesho a Tate,

Filipu 2:10

Ngecivene, vyuma vyoshe vili mwilu, nevi vili ano asi, nevi vili mwisi ya kaye, vikatsikama a mavuli, mukwana kalemeso lizina lya Yesu,

Kolose 1:3

Simbu yoshe tukakandelela kuli Njambi, Ishe ya Mwene yetu Yesu Kilistu, omo tukamilombelela.

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”