Myaso 71:22 - Livulu lya Shukulu Kalunga

²² Mwa vushunga njikakushangazala lalo na kalyalya, njikashangazala kulongwa kwove, yove Njambi yange. Njikakwimbila myaso a kalyalya kange, yove Njambi wakujela wa Isalele.

Myaso 71:22 Iomraidhean Croise

2 Vimyene 19:22

Yove unayongola ngwove iyajo iwunashaula nakuyeluwisa? Yove unanjizivisa shwamwa yange Njambi ya Isalele wakujela.

Myaso 138:2

Njikalemesa ku Njuvo yove yakujela, nakushangazala lizina lyove, omwo cizemo cove cije kucesi kutenguluka na kulongwa kwove, omwo unaalesa mashiko ove, kutuvakana lizina lyove.

Myaso 144:9

Njikaimba mwaso wauha kuli yove Njambi, njikaimba kalyalya nakukwimbila mwaso.

Myaso 25:10

Akatwamenena na cizemo cendi cije kucesi kutenguluka na vushunga vwendi, voshe vaje vanyunga cikumiiyo cendi, nakwononoka mashiko endi.

Myaso 33:2

Shangazaleni Shukulu Kalunga na tulyalya, mwimbileni na kalyalya ka mikole likumi.

Myaso 43:4

Asinoni njikaya ku mutula wove yove Njambi, yove muka-kunjivwaelelesa, co njikaimba kalyalya kange nakwimba myaso yakukushangazala yove Njambi, Njambi yange!

Myaso 56:4

Njinakulaela kuli Njambi, co kunjizivi lyova, njimushangazala omwo a vije vyanakulaesa. Munu asa kunjilinga vikajo?

Myaso 78:41

Vatengulukile lalo nakweseka Njambi, co vashangumwine Njambi Wakujela wa Isalele.

Myaso 89:1

Yove Shukulu Kalunga, simbu yoshe njikaimba vya cizemo cove cije kucesi kutenguluka, co njikambulula kulongwa kwove ku myaka yoshe.

Myaso 89:18

Yove Shukulu Kalunga mwene yetu, u muka-kutunyunga, yove Njambi Wakujela wa Isalele, wapwa u ntelo yetu.

Myaso 98:3

Co lalo nasholola vushunga vwendi ku miyati, nanuka cizemo cendi cije kucesi kutenguluka, na kulongwa kwendi ku vanu va Isalele, kwamena kwa Njambi yetu vanacimono ano asi oshe.

Myaso 98:4

Imbileni Shukulu Kalunga nakujolela yeni voshe vaka-asi, mushangazaleni na myaso na mitambi yakujolela!

Myaso 98:5

Imbeni nakushangazala Shukulu Kalunga! Mwimbileni myaso a tulyalya!

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 43:3

Yange njapwa Kalunga Njambi yeni, Njambi wakujela wa Isalele, uje amyovola. Njikecela Ingito ngeci vamikule, Sundane na Semba ngeci vamiinge.

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Isaya 5:19

Mwendeka ngweni, “Shukulu Kalunga azambule kulinga vije vyendekele, ngeci tuvimone. Njambi wa Isalele wakujela atumbe matumbe endi, ngeci tumone viyongola vyendi.”

Isaya 5:24

Ngecivene, ngwe muvikenye vishati na mwila wakuma mu tuhya, ngecivene, mizi yeni ikavola, na vishani vyeni vikominina nakupekumuka, omwo munavyana vije vyatulongesele Shukulu Kalunga Muka-nzili yoshe, Njambi wakujela wa Isalele.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 60:9

Anapu mato aje atunda ku mafuti a kulyala, ali na kwilwisa vanu va Njambi kwimbo lyavo. Valinakwiluka na siliva na ngolinde, mukusingimika lizina lya Shukulu Kalunga, Njambi wakujela wa Isalele, uje nalingisa miyati ya vanu voshe ngeci vasingimike vanu vendi.

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Loma 15:8

Omwo njimileka ngwange Kilistu vamupwisile muka-kupangela vaYunda, mukusholola ngeci Njambi wapwa muka-vushunga, mukulingisa vikulaeso vyendi kuli vakukulwila vavo ngeci vipwe vya vushunga,