Myaso 71:19 - Livulu lya Shukulu Kalunga

¹⁹ Vushunga vwove yove Njambi, vunete mwilu ya melu. Yove Njambi unalingi vyuma vyakama, naumo wai nalifu nove.

Myaso 71:19 Iomraidhean Croise

Yombi 5:9

Ikeye lika asa kulinga vyuma vyakama vije kutwasa kuzivuka na vyuma vyakukomokesa vije kutwasa kuvizivisisa.

Myaso 139:6

Mana ove ali yange anapu akulova, kunjasa kuwazivisisa.

Myaso 35:10

Njikendeka kuli Shukulu Kalunga na mbunge yange yoshe ngwange, “Kukwesi umo wakulifwa nove! Yove ukanyungu vaka-kuzeya kuli vaka-nzili, ukanyungu kautu kuli muka-kumuyandesa!”

Myaso 36:7

Mucavwaa cizemo cove Njambi, cizemo cije kucesi kutenguluka! Vanu valinakuvanda mu munzinze wa mambava ove.

Myaso 57:10

Cizemo cove cije kucesi kutenguluka cinete ku melu, na kulongwa kwove kunete ku mashelwa.

Myaso 72:18

Shangazaleni Shukulu Kalunga, Njambi ya Isalele! Ikeye lika muka-kulinga vyuma vyakukomokesa!

Myaso 86:8

Kukwesi weka lalo wakulifwa nove akati ka vinjambi yove Shukulu, kukwesi vipangi vyakulifwa nevi vyove.

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Visimo 15:24

Vanu vakunyanyama vakende mu ngila ije yakushungama itwala ku mwonyo, oloni kesi ngila ije ishelumuka ku vukalo vwa vatsi.

Visimo 24:7

Visimo vya mana, vyapwa vyakulova manene kuli cilema kuvizivisisa. Ikeye kesi kwendeka omo vasimutwiya vin̄anda vyakama.

Isaya 40:18

Iyajo alyeseka na Njambi? Cifwa mukajo mukamusetekesa naco?

Isaya 40:25

Njambi wakujela mwasa kumusetekesa neyajo? Kuma kwali umo wakulifwa nendi ndi?

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Isaya 55:9

Ngwe melu muwakala akamwa ya asi, ngecivene, vingila vyange, na viyongola vyange vili akamwa ya vingila na viyongola vyeni.

Njelemiya 10:7

Iyajo kasa kukusingimika, yove mwene wa miyati yoshe? Yove wafwila kasingimiko. Kukwesi weka wakulifwa nove akati ka miyati yoshe ya vaka-mana, nambe akati ka vimyene vavo.

Luka 1:49

omwo Njambi Muka-nzili yoshe nanjilingila vyuma vyakama. Lizina lyendi lyakujela,

Kwituluka mu Mashiko 3:24

‘Yove Shukulu Kalunga wa Akamwa ya Vyoshe, njazivuka ngwange yove wanjisholwela lika vushangumukilo vwa nzili na vyuma vyakukomokesa vije viwukalinga. Co kukwesi njambi weka lalo mwilu nambe ano asi uje asa kulinga vyuma vya nzili ngwe viwukalingi!