Myaso 71:18 - Livulu lya Shukulu Kalunga

¹⁸ Ngecivene, nameme njinakuluvala manene na vwele vuli ku mutwe wange, yove Njambi kesi unjiseze, noo njikambulula vilinga vyove ku visemwa vyoshe vije vikaija kulutwe.

Myaso 71:18 Iomraidhean Croise

Kushangumuka 27:1

Omo Isake nakuluvala laja na mesho endi akele na kavwivwivwi, wasanene Isau munendi wa mukulunu, wendekele kuli ikeye ngwendi, “Munange!” Co Isau wamukumbulwile ngwendi, “Yange uno shukulu.”

Myaso 22:31

Vanu vaje kanda vasemuke vakavaleka ngwavo, “Shukulu Kalunga wamenene vanu vendi!”

Myaso 48:14

“Ou Njambi wapwa Njambi yetu ku myaka yoshe, akatutwamenena ku visimbu vyoshe.”

Myaso 71:9

Kesi unjumbile kuti omo njinakuluvala, co kesi unjiseze omo njinazeye!

Myaso 78:4

kutukavishwekela vana vetu embwe, oloni tukavileka ku cisemwa cije cikaija kulutwe, a nzili ya Shukulu Kalunga na vilinga vyendi vyakama, na vyuma vyakukomokesa vije vyanalingi.

Myaso 78:6

ngeci cisemwa cikaija kulutwe vakalilongesevyo, co vakavileka ku vana vavo.

Kutuuka 13:8

Omo ciwano cishangumuka, lekeni vana veni va vanalume ngweni mukalinga eci omwo a vyuma vije vyalingile Shukulu Kalunga kuli yeni akumitundisa mu Ingito.

Isaya 46:4

Yange nji Njambi yeni, co njikamilela, noo munakolo, na vwele ku mitwe yeni. Yange njamitangele, co njikamilela, njikamikwasa nakumyamena.

Isaya 51:9

Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.

Isaya 53:1

Vanu vakumbulula ngwavo, “Iyajo asa kukulaela muzimbu wetu? Iyajo namono nzili ya Shukulu Kalunga mu vyuma evi?

Vilinga vya Miluwa 13:36

“Omwo Ndaviti wapangele cizango ca Njambi a simbu yendi vavenya, co watsile, co vamutsindile na vakukulwila vendi, co muvila wendi wavolelele mu mbumbo.

1 Samwele 4:15

(Eli aje te ali laja na myaka makumi atanu na awana na myaka itanu na itatu, wapwile kapuputwa vene.)

1 Samwele 4:18

Omo uje munalume wambulwile vya Cikasa ca Cikumiiyo, co Eli wawile mukali a citumbamo cendi kumukulo wa cikolo. Omwo wakuluvalele nakununa manene, co wawile nakupokoka mukoshi, ngeci watsile. Ikeye waakwilile Isalele myaka makumi awana.