Myaso 71:1 - Livulu lya Shukulu Kalunga

¹ Shukulu Kalunga njitewela muli yove, kesi vanjizivise shwamwa ku myaka yoshe!

Myaso 71:1 Iomraidhean Croise

2 Vimyene 18:5

Hezekiya wakulaelele kuli Shukulu Kalunga, Njambi ya Isalele, co mu Yunda kumwakele lalo mwene wakufwa ngwe ikeye, nambe kunima nambe kulutwe.

1 Mizimbu 5:20

Vakevo vakulaelele Njambi, nakulombela kuli ikeye ngeci avakwase, co Njambi wakumbulwile malombelo avo, wavahyanesele kuli vaHangeli na vaje vakwasele vaHangeli.

Myaso 125:1

Voshe vaje vakulaela kuli Shukulu Kalunga vanapu ngwe Munkinda wa Siyone, uje kuwasa kuninganga, oloni wakala ku myaka yoshe.

Myaso 146:5

Navezika munu uje ali na Njambi ya Yakomba ngeci amukwase, munu uje cinyangavili cendi cili muli Shukulu Kalunga Njambi yendi,

Myaso 22:5

Vatambekele kuli yove, co vovokele, vakukulaelele, co shwamwa kuyavakolele.

Isaya 45:17

Oloni Shukulu Kalunga akamena Isalele, co akahyana ku myaka yoshe, vanu vendi kuvakazivi shwamwa.’ ”

Njelemiya 17:18

Vayesa vaje vanjiyandesa, oloni kesi unjizivise shwamwa, vajujwise, oloni Shukulu Kalunga, yange kesi unjijujwise. Nena tuyando ali vakevo nakuvanyongesa.

Loma 9:33

ngwe muvyendeka visoneka ngwavyo, “Kenga, njikaka limanya mu Siyone lije likatanukisa vanu, limanya lije likavawisa. Oloni woshe uje akulaela kuli ikeye kakazivi shwamwa.”

1 Petulu 2:6

Omwo visoneka vyendeka ngwavyo, “Njinaangula limanya lya seo yakama, limanya lya mu mbango mu Siyone, co woshe uje akulaela kuli ikeye kakazivi shwamwa.”