Myaso 7:6 - Livulu lya Shukulu Kalunga

⁶ Yove Shukulu Kalunga, luvala nakulinga cuma cimo, lwisa vitozi vange vaje vanaluvala nange, mona ngeci vushunga vulinakulingiwa.

Myaso 7:6 Iomraidhean Croise

2 Samwele 17:14

Avisalome na vaIsalele voshe vendekele ngwavo, “Kunangula kwa Hushai kunapu kwakuvwa manene kutuvakana kunangula kwa Ahitofele.” Shukulu Kalunga wavwaesele ngeci kunangula kwakuvwa kwa Ahitofele kesi vacikave, ngeci vukalu vukaije ali Avisalome.

Myaso 103:6

Shukulu Kalunga akasompo mwa vushunga, akalingi lalo vuvwa kuli voshe vaje vavayandesa.

Myaso 12:5

Shukulu Kalunga alinakwendeka ngwendi, “Oloni ololo njilinakwija, omwo tuutu valinakuvayandesa, na vaka-kuyanda valinakulinyenga omwo tuyando. Njikavanyunga ku tuyando twavo.”

Myaso 138:7

Omo tuyando tunjizengeleka, yove unjinyunga mwamuvwa, co lalo uyeluwisa vukalu vwa vitozi vange, nakunjamena na nzili yove.

Myaso 143:3

Citozi cange nanjisheke, co nanjifungulula, nanjilingisa ngeci njikale mu lisusulungu, co njinafu ngwe munu wa kutsa.

Myaso 3:7

Ija yove Shukulu Kalunga! Njamene yove Njambi yange! Hisa vitozi vange voshe, vatundise nzili yavo yakunjivulumuna.

Myaso 35:1

Shukulu Kalunga, yeluwisa vaje vanjiyeluwisa, co lwa na vaje vanjilwisa!

Myaso 35:23

Induka ngeci unjamene yove Shukulu Kalunga! Katuka, Njambi yange, co njisompele n̄anda yange ipwe ya vushunga.

Myaso 44:23

Induka yove Shukulu Kalunga, omwo vikajo unalalela? Induka! Kesi utumbile kuti myaka yoshe!

Myaso 44:26

Katuka utukwase! Twamene, omwo cizemo cove cije kucesi kutenguluka!

Myaso 59:5

Ija unjikwase yove Shukulu Kalunga Njambi Muka-nzili yoshe. Yove Njambi wa Isalele! Hisa vaka-kujeneka kukukulaela, kesi uzivile ngozi vaka-kulinga vuvi na vitangwizi.

Myaso 73:20

Vanafu ngwe njozi omo munu enduka mu tulo, mukemwo mucinapu kuli yove, Shukulu Kalunga omo winduka, co ukavayengula.

Myaso 74:3

Ija umone Njuvo yove muyinavujuka, vitozi vetu vananyongesa vyuma vyoshe vya mu Njuvo yove.

Myaso 78:65

Akukotoka Shukulu Kalunga wendukile ngwe munu atunda a tulo, wafwile ngwe cingenyenye uje navwaelela omwo napende vinyu.

Isaya 3:13

Shukulu Kalunga nakatuka ngeci asompe vanu. Nemana mukusompesa miyati.

Isaya 33:10

Shukulu Kalunga alinakwendeka ku miyati ya vanu ngwendi, “Ololo njipanga. Njikamwesa ayapwa nzili yange.

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 51:9

Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.