Myaso 69:6 - Livulu lya Shukulu Kalunga

⁶ Yove Shukulu Kalunga wa Akamwa ya Vyoshe Muka-nzili yoshe, Kesi utave njizivise shwamwa vaje valemesa yove, kesi utave njishawise vaje valemesa yove Njambi ya Isalele!

Myaso 69:6 Iomraidhean Croise

2 Samwele 23:3

Njambi ya Isalele nendeka, muka-kunyunga Isalele nendeka kuli yange ngwendi, “Mwene muka-kushwana na vushunga, muka-kushwana nakwononoka Njambi,

Myaso 25:3

Mwa vushunga naumo wai akulaela kuli yove akaziva shwamwa, shwamwa ikola vaka-vungungu omwo kashwilo kai.

Myaso 35:26

Voshe vaje vavwaelela a tuyando twange, vavafungulule nakuvatanganesa, voshe vaje valitumbula kupwa vavavwa kutuvakana yange, vazive shwamwa nakushauka!

Myaso 7:7

Mbunga ya vanu voshe valikungulwile kuli yove, omo utumbama a litanda lyove lya vumwene.

Myaso 72:18

Shangazaleni Shukulu Kalunga, Njambi ya Isalele! Ikeye lika muka-kulinga vyuma vyakukomokesa!

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Vilinga vya Miluwa 13:17

Njambi ya vanu va Isalele waangwile vakukulwila vetu nakuvapwisa muyati wakama a simbu ije vakele vangenzi mu Ingito. Co Njambi wavatundisile mu Ingito na nzili yendi yakama,

Vilinga vya Miluwa 13:23

Ikeye Yesu wa ku naanga ya Ndaviti uje Njambi wamupwisile Muyoyesi wa vanu va Isalele ngwe mwakulaesele laja.

Vilinga vya Miluwa 4:7

Co vemikile miluwa ku mesho avo vavehwile ngwavo, “Vati munalingi eci? Nzili yeyayo mulinayo? Nambe mu lizina lyeyajo munalingi cuma eci?”