Myaso 69:27 - Livulu lya Shukulu Kalunga

²⁷ Nyunga vukaleo vwavuvi vwavo vwoshe, kesi uvasambese ku vuvi vwavo.

Myaso 69:27 Iomraidhean Croise

Nehemiya 4:5

Kesi uvasambese ku vuvi vuvalinakulinga, kesi wivale vuvi vwavo, omwo vanatushaula yetu vaka-kutunga.”

Yombi 19:22

Omwo vikajo munjipakesela ngwe mwalinakulinga Njambi? Kuma kumwapwisilemo mukunjiyandesa ndi?

Myaso 109:14

Shukulu Kalunga anuke vuvi vwa vakukulwila vendi, co kesi asambese vuvi vwa vaina.

Myaso 24:5

Shukulu Kalunga akavavezikisa nakuvamena, Njambi akavapwisa vaka-kujeneka mulonga.

Myaso 81:12

Ngecivene, njavatavele kulinga vizango vyavo.

Kutuuka 8:15

Oloni omo mwene wamwene ngeci mambotwe vanatsi, co wakaluwisile lalo mbunge yendi ngwe vene muje mwendekele Shukulu Kalunga, mwene katolililile kuli Mosesa na Alone embwe.

Kutuuka 8:32

Oloni nameme a simbu eyi vene mwene wacikaluwisile mbunge yendi manene, co lalo katavele vanu ngeci vaye.

Kutuuka 9:12

Oloni Shukulu Kalunga wakaluwisile mbunge ya mwene, ngwe vene muje mwendekele Shukulu Kalunga, mwene katolililile kuli Mosesa na Alone.

Isaya 26:10

Nameme umwesa ngozi kuli vaka-vuvi, kuvesi kulilongesa kulinga vushunga. Nameme mu lifuti muli vaka-vushunga, oloni vaka-vuvi anga vatwalelelao kulinga vuvi, kuvesi kumona vukama vwove.

Isaya 5:6

Njikacecelela cikule mu shaku, kunjikasalulamo minango nambe kushakwila mikolovozi ya vushuka vwa vinyu, nambe kulimamo, oloni njikecela mishwena na mambimbo icifwike. Co lalo njikavindika mashelwa kunyokelamo nyonzi.”

Isaya 53:4

“Oloni wayandele tuyando tuje twapandele kupwa twetu, wazivile kuvavala kuje kutwapandele kuziva yetu. Yetu twayongwele ngeci tuyando twendi twapwile cihiso cakutunda kuli Njambi.

VaLevi 26:39

Vamo veni vaje vanasala mu lifuti lya vitozi veni, vakongwa omwo vuvi vweni na a vuvi vwa vakukulwila veni.

Mateo 21:19

Wamwene muti wa mukuyu kumukulo wa ngila, co waileko, oloni kawaneneko vushuka kuvanga maputa lika. Ngecivene, wendekele ku muti uje ngwendi, “Tunde ano kesi ukaime lalo vushuka!” Co aje vene uje muti womine cau.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Loma 9:18

Ngecivene, Njambi wakala na mema ku mbunge kuli woshe uje yashaka, co akaluwisa mbunge ya woshe uje yashaka.

Loma 9:31

oloni vanu va Njambi vaje vashakezekele lishiko ngeci livapwise vaka-vushunga ku mesho a Njambi, kuvaliwanene.

2 Timateo 4:14

Elekizanda uje muka-kufula nanjilingi mwamuvi manene, Mwene akamwana fweto yendi kupwisa ngwe ku vipangi vyendi vyanalingi.