Myaso 69:20 - Livulu lya Shukulu Kalunga

²⁰ Kapopolwezi kavo kanazeyesa mbunge yange, co nomu munjilingila vene mwai, njashakezekele munu wakunjitetela, oloni kunjamuwanene, na vaka-kunjizembeleka, oloni naumo wai injawanene.

Myaso 69:20 Iomraidhean Croise

Yombi 16:2

“Njaziva laja majwi akufwa ngacije, kuzembeleka mulinakunjizembeleka nakwo, kunapu kwakunjizeyesa lika.

Myaso 123:4

Vaka-kufuka vanatushendumuna manene, vaka-kulyalesa lalo vanatuyengula.

Myaso 142:4

Njikenga ku livoko lyange lya cilyo nakumona, oloni naumo wai asa kunjikwasa, naumo wai asa kunjinyunga, naumo wai asa kunyunga mwonyo wange.

Myaso 42:10

Muvila wange unavupuka na kashaundu kavo, omo valinakunjihozola ngwavo “Njambi yove ali kulijo?”

Myaso 42:6

Yove Njambi yange, mbunge yange inapokoka muno mu vunzinda, ngecivene, njikundika viyongola vyange kuli yove,

Isaya 63:5

Naumo wai wanjikwasele. Livoko lyange lya nzili lyahyanene nzita, omwo vukalu vwange vwalitakamesele.

Mateo 26:56

Oloni vyoshe evi vyalingiwa ngeci vije vivendekele vaka-kwimanena mu visoneka vilingiwe.” Aje vene vandongisi vendi voshe vamusezele, co vatewele.

Mako 14:37

Asinoni welukile wawanene vaje vandongisi vatatu vanalala tulo. Co wendekele kuli Petulu ngwendi, “Simoni, kuma nove lalo walala tulo ndi? Kuma kuwasa kutumbama nakutona nameme ola imolika indi?”

Mako 14:50

Asinoni vandongisi vendi voshe vamusezele, co vatewele.

Yowano 12:27

“Ololo mbunge yange ilinakuyanda, co njendeka vika? Njendeke ngwange, ‘Tate, njamene ku simbu eyi ndi’? Oloni evi vikevyo vinjezilile, ngeci njiite mu simbu eyi ya tuyando.

Yowano 16:32

Simbu ilinakwija, co inete laja, omo yeni voshe mukashandoka, munu na munu akaya kwimbo lyendi, co njikasala ange lika. Oloni kunjikasala ange lika embwe, omwo Tate ali amo nange.

VaHevelu 11:36

Vamo vavashendumwine nakuvapupa, co veka lalo vavakutile mu malyenge nakuvaka mu kamenga.