Myaso 69:13 - Livulu lya Shukulu Kalunga

¹³ Njilomba kuli yove Shukulu Kalunga, njikumbulule yove Njambi, a simbu ije iwunaangula, njikumbulule omwo cizemo cove cije kucesi kutenguluka, omo wanyunga cikulaeso cove nakwamena.

Myaso 69:13 Iomraidhean Croise

Kushangumuka 24:27

Wendekele ngwendi, “Shangazaleni Shukulu Kalunga, Njambi ya shukulu yange Avilahama, uje wanyunga cikulaeso cendi cije kucesi kutenguluka, kuli shukulu yange Avilahama. Shukulu Kalunga nanjitwamenena vushunga-shunga kuli vavushoko vwa shukulu yange.”

Esita 5:2

Omo mwene wamwene Lishano Esita nemana anja, co camuvwasele manene, co wajundwile mulamu wendi wa ngolinde nakuwinika kuli Esita. Asinoni Esita washwenyeleko wakwatele ku shongo yawo.

Esita 5:6

Omo vakele nakunwa vinyu mwene wehwile Esita ngwendi, “Njileke ciwushaka, co ukacitambula. Njitava kulomba kwove, nameme nga ulomba litambelo lya vumwene vwange.”

Esita 7:2

Co mwene wendekele lalo na Esita ku litangwa lyamucivali lya ciwano ca vinyu ngwendi, “Lishano Esita, vikajo ushaka? Njileke, co ukacitambula. Njikakwana nameme litambelo lya vumwene!”

Myaso 32:6

Ngecivene, voshe vaka-kulongwa vanapande kulombela kuli yove a simbu yakujeneka, co omo tuyando twakama twija, kutwasa kuvawana.

Myaso 51:1

Njizivileko mema ku mbunge yove Njambi, omwo a cizemo cove cije kucesi kutenguluka, omwo mema ku mbunge ove apwa akama, zimangana vivi vyange!

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Myaso 98:3

Co lalo nasholola vushunga vwendi ku miyati, nanuka cizemo cendi cije kucesi kutenguluka, na kulongwa kwendi ku vanu va Isalele, kwamena kwa Njambi yetu vanacimono ano asi oshe.

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 55:6

Tengulukileni kuli Shukulu Kalunga nakulombela kuli ikeye omo acili muyehi.

Mbimbi 3:63

Tunde mutondo kweta ku vutsiki vashendumuna lika yange.

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Luka 1:72

Wendekele ngwendi akamwesa mema ku mbunge kuli vakukulwila vetu nakwanuka cikumiiyo cendi cakujela.

Luka 22:44

Co omwo a tuyando twakama walombelele manene, co litukuta lyendi lyafwile ngwe maninga andwekelele asi.

2 Kolinte 6:2

Tolilileni vika Njambi alinakwendeka ngwendi, “Njamitolililile mu simbu yange yaivwa, njamikwasele mu litangwa lyakwovoka.” Kengeni, eyi ikeyo simbu yaivwa, kengeni, lelo likelyo vene litangwa lyakwovoka!

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

1 Petulu 2:23

Omo vamushawile, kelwisile lalo vituka, omo wayandele, ikeye kalishungwiiye, oloni waakele cinyangavili cendi muli Njambi, lyaako wa vushunga.

1 Samwele 25:8

Ihula vakwenje vove, co vakevo vakakuleka. Ngecivene, nga citava, vakwenje vange vawane kutetela ku mesho ove, omwo tunaija a litangwa lya ciwano. Njilomba ngeci utwaneko vyoshe-ivyoshe viwulinavyo yetu vangamba vove na munove Ndaviti.’ ”