Myaso 69:11 - Livulu lya Shukulu Kalunga

¹¹ omo njazalele cikeleya kumwesa vusiwa vwange, vanu angavene vanjishendumwine.

Myaso 69:11 Iomraidhean Croise

1 Vimyene 9:7

co njikatundisa vanu vange va Isalele ku lifuti lije njavanene. Co lalo njikatunda mu Njuvo eyi injinajelesa kupwa mwela wakunjilemesela. Co vanu voshe kuli na kuli vakajola Isalele nakuvashendumuna.

Yombi 17:6

Co ololo vanu valinakupangesa cisimo eci ali yange, co vaija nakunjijekwila mu luholo lwange.

Myaso 109:24

Mavuli ange anazeye omwo kwonwa kulya, co muvila wange unayondwa.

Isaya 20:2

A myaka itatu ya kunima Shukulu Kalunga walekele Isaya muna Amoze atundise vin̄aku vyendi na vuzalo vwa cikeleya vwazalele. Isaya wononokele, wendele mushelengwa, co kazalele vin̄aku ku mendi endi a myaka ije itatu.

Isaya 22:12

Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Njelemiya 24:9

Njikanena vukalu ali vakevo ngeci miyati yoshe ya mu kaye vakalikomokele. Vanu vakavashendumuna, co vakalinga litangalakazi ali vakevo, nakuvayengula, nakupangesa mazina avo ngwe cisingo kwoshe kuje njavashandwela.

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Njwele 1:8

Lileni, yeni vanu, ngwe mumbanda alila kutsa kwa munalume uje nashakele kumwambata.

Kwituluka mu Mashiko 28:37

Ku mafuti kuje kwakamishandwela Shukulu Kalunga, vanu vakalisimoka akumona vije vyalingiwa kuli yeni, co vakamishendumuna nakumijola.