Myaso 68:6 - Livulu lya Shukulu Kalunga

⁶ Njambi akana njuvo yakukala kuli vaje vali avo lika, atundisa vinzinda nakuvavezikisa, oloni vaka-kumutengulukila vakakala mu mambo.

Myaso 68:6 Iomraidhean Croise

Myaso 10:14

Oloni yove unacimono unazivuka vukalu na tuyando, co walivwaesela kukwasa. Muka-kuzeya aliita kuli yove, omwo simbu yoshe u muka-kukwasa vaka-kujeneka.

Myaso 107:10

Vamo vakele mu lisusulungu na mu munzinze wa kutsa, vapwile vinzinda vaje vavakutile na malyenge,

Myaso 107:14

Wavatundisile mu lisusulungu, na mu munzinze wa kutsa, co wavatwile malyenge avo.

Myaso 107:34

Watengulwile livu lya vwilo kupwa mambo ya mwongwa, omwo vuvi vwa vaje vakele muje.

Myaso 113:9

Shukulu Kalunga avezikisa mumba mu njuvo yendi, amuvwaelelesa akumwana vana. Shangazaleni Shukulu Kalunga!

Myaso 146:7

ikeye asompela mwa vushunga vaka-kuyanda nakwana vyakulya kuli voshe vali na njala. Shukulu Kalunga apatula vinzinda,

Myaso 69:33

Shukulu Kalunga akatolilila kulila kwa vaje vanajeneka, co kakevala vanu vendi vaje vali mu kamenga.

Visimo 23:11

Shukulu Kalunga ikeye muka-kuvalwila wavo wa nzili, akavasompelako milonga yavo yakuvalwisa.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Hoziya 2:3

Nga shendi kulikela, co njikamushulula nakumupwisa wa mushelengwa ngwe muje mwafwile a litangwa lyendi lyakusemuka. Njikamupwisa ngwe lifuti lyakuminina cau lya vimena, co akatsa ku lihwila.

Malakiya 1:3

co njamuzinda Isau na vatekulwila vendi. Njinatengulula lifuti lya malundu lya Isau kupwa mu ngundu nakuseza vushwana vwendi ku vimbanje va mu mambo.”

Vilinga vya Miluwa 16:26

Aje vene kwakele mandunduma akama ngecivene, luvula lwa kamenga lwajajele. Co aje vene vikolo vyoshe vyashokolokele, co malyenge atundile kuli vinzinda voshe.

Ngalatiya 4:27

Omwo visoneka vyendeka ngwavyo, “Vwaelela, yove munakazi wakujeneka vana! Tambeka nakujolela, yove kuwazivile mushongo wakukita mwana! Omwo uje munakazi ivasezele akakala na vana vavangi kutuvakana munakazi uje nashomboka simbu yakama.”

Kwituluka mu Mashiko 10:18

Ikeye akasompela vushunga visiwa na vifwile, co azema vaka-kwija vaje valinakukala akati ketu, avaana vyakulya na vuzalo.

1 Samwele 2:5

“Vanu vaje valile mwamuvwa, ololo vanajeneka vyakulya, oloni vaje vakele na njala kuvesi lalo na njala. Mumba nakiti vana vatanu na vavali, oloni uje wakitile vavangi nasala mavoko-voko.