Myaso 66:2 - Livulu lya Shukulu Kalunga

² Imbeni mwanuke vukama vwa lizina lyendi, mushangazaleni nakumulemesa!

Myaso 66:2 Iomraidhean Croise

Nehemiya 9:5

VaLevi ava, Njeshuwa, na Kandimyele, na Mbani, na Hashambeneya, na Sheleviya, na Hondiya, na Shembaniya, na Petahiya, vendekele ngwavo, “Imaneni mushangazale Shukulu Kalunga Njambi yeni, mushangazaleni ku myaka yoshe. Munu woshe ashangazale lizina lyendi lya vumpau. Naumo wai asa kushangazala vukama vwendi.”

Myaso 106:2

Iyajo asa kwambulula vilinga vya nzili ya Shukulu Kalunga? Iyajo asa kumushangazala nakupwisa?

Myaso 107:15

Vanu vamukandelele Shukulu Kalunga omwo a cizemo cendi cije kucesi kutenguluka, na vyuma lalo vyakukomokesa vije vyavalingilile.

Myaso 107:22

Vanu vanapande kumukombelela vin̄ombelo vya cikandelela, nakwambulula vilinga vyendi mu myaso yakujolela!

Myaso 68:33

Kuli uje endela a lilu lya melu a ku san̄ulu! Mutolilileni omo endeka na lijwi lyendi lya nzili!

Myaso 72:18

Shangazaleni Shukulu Kalunga, Njambi ya Isalele! Ikeye lika muka-kulinga vyuma vyakukomokesa!

Myaso 79:9

Tukwase nakutwamena yove Njambi, tupatule nakutusambesa, omwo lizina lyove.

Isaya 42:12

Vaje vakala ku mafuti a kulyala vaane cishangala na vumpau kuli Shukulu Kalunga!

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

Kujombolola 5:13

Co njazivile vyakutanga vyoshe vili mwilu na asi na mwisi lya kaye na mu mema a kalunga na vyakuyoya vyoshe vya kaye, co vikevyo vyembile ngwavyo, “Kuli uje natumbama a litanda na kuli Muna Manga, kukale kushangazala na kasingimiko na vumpau na nzili, ku myaka yoshe!”