Myaso 65:5 - Livulu lya Shukulu Kalunga

⁵ Yove ukatukumbulula nakutuhyanesa, unalingi vyuma vyakukomokesa mukutwamena. Vanu voshe vali ano asi, nameme vali kulyala ku mema a kalunga vanakulaela kuli yove.

Myaso 65:5 Iomraidhean Croise

Myaso 107:23

Vanu vamo vakele nakuya ku mema a kalunga mu mato, nakulandesa vyuma vyavo a mema a kalunga.

Myaso 145:17

Shukulu Kalunga wapwa wa vushunga mu vyuma vyendi vyoshe vyakalingi, wakala na mema ku mbunge mu vilinga vyendi vyoshe.

Myaso 22:27

Miyati yoshe vakanuka Shukulu Kalunga, mitambela yoshe ya mu kaye vakatengulukila kuli ikeye, co vanu voshe vakamulemesa.

Myaso 36:9

Yove ukaana mwonyo ku vyuma vyoshe. Omo a ceke cove twasa kumona ceke.

Myaso 45:4

Mu vukama vwove enda nakuvezika, omwo ya vushunga na kulikeesa na kulongwa! Co livoko lyove lya cilyo likakulongesa vyuma vyakama vyakukomokesa!

Myaso 66:3

Endekeni kuli Njambi ngweni, “Unalingi vyuma vyakukomokesa, nzili yove inapu yakama manene ngeci vitozi vove valiita kuli yove.

Myaso 84:5

Vavezika vanu vaje nzili yavo itunda kuli yove, vanu vaje vimbunge vyavo vili mu vungenzi vwakuya ku Munkinda wa Siyone.

Myaso 85:4

Twamene yove Njambi muyoyesi wetu, co likele kuluvala netu!

Isaya 37:36

Co a vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Isaya 51:5

Mafuti a kulyala anavandamena na cinyangavili kwija kwange mukuvamena. Njikaija vwasi-vwasi mukwamena nakushika mafuti.

Isaya 60:5

Ukamona vyuma evi, co ukajolela manene, co mbunge yove ikashula nakujolela. Vufuko vwa miyati ya vanu veka vakavunena kuli yove, vukatunda musambwa ya mema a kalunga.

Isaya 66:19

co vakazivuka ngeci yange muka-kuvahisa. “Oloni ali vakevo njikasezao vamo, co njikavatuma ku miyati ya ku mafuti a kulyala vaje kuvazivile lutsimo lwange nambe kumona vukama vwange na nzili, ku Sipeini, Limbiya, na Lindiya, na vanalume vamwo vaka-vutongwe vwakwasha na mikili, na ku Tuvale, na ku Ngelese. Akati ka miyati ije vakambulula vukama vwange.

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Hangai 2:23

A litangwa lije vene njikakwambata yove Zelumbambele ngamba yange, co ukashwana mu lizina lyange. Yove vene injinaangula.” Mukemwo mwanendeka Shukulu Kalunga, Muka-nzili yoshe.

Zakaliya 9:10

Shukulu Kalunga alinakwendeka ngwendi, “Njikatundisa matemba a nzita mu Isalele, nakutundisa tuvalu mu Yelusalema, mata a lusipa aje vapangesele mu nzita njikaanyongesa. Mwene yeni akanena kwoloka akati ka miyati ya vanu, ikeye akashwana kutunda ku mema a kalunga amo nakweta ku mema a kalunga akwavo, kutunda ku Ndonga ya Yufuleti nakweta ku shongo ya ano asi oshe.”

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Kwituluka mu Mashiko 10:21

Mwaleseni, ikeye wapwa Njambi yeni. Ikeye wamilingilile vikomokeso vyakama vyakujujwisa, vije mwalimwenenene yeni vavenya na mesho eni.

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.

Kujombolola 16:5

Njazivile kangelo uje muka-kushika mema wendekele ngwendi, “Kusompa kuunalingi kunapu kwa vushunga, Yove Wakujela, yove uliko, co yove wakeleko!